CEBU, Philippines – Nasakmit sa Captain A’s Boodle Fight team ang titulo sa 2nd Sunrise All Sports Association (SASA) Midnight Basketball Tournament human sa ilang 55-50 nga kadaugan batok sa Cebu South Bus Terminal (CSBT) team didto sa SASA open court sa barangay Lahug, siyudad sa Sugbo.
Si Jayson Castro maoy nangu sa Captain A’s sa iyang 12 puntos, samtang si Ronald Sabello mao sab ang nangu sa Cebu South Bus Terminal sa iyang 15 puntos. Laing duha niya ka teammates ang mihimo sab og double figures.
Ang SASA usa ka grupo sa mga mahiligon sa basketbol nga gitukod nilang Bill Gabiana, Rodel Salimbot, Toalo Lapaz ug kanhi CIT Wildkitten Robert Ortega.
Puntos Matag Usa
Captain A’s (55) – Castro 12, Mayol 10, Bautista 8, Obaib 8, Villaver 6, Margallo 6, Catalan 5.
CSBT (50) – Sabello 15, Saberon 12, Caballero 10, Pariola 8, Morales 5, Medalla 5. (BANAT NEWS)