_banat
^

USJ-R kampiyon sa Shakey's GVL

(Banat) - August 16, 2015 - 10:00am

CEBU, Philippines – Ang University of San Jose-Recoletos mipakaging sa Southwestern University sud sa tulod ka sunod-sunod nga sets aron pagdominar sa Central Visayas leg sa Shakey's Girls Volleyball League Season 13 kagahapon didto sa Cebu City Sports Institute gym sa Barangay San Nicholas, dakbayan sa Sugbu.

Human midaog sa unang set, 25-21, wala mapalong ang nagkayong opensa sa USJ-R spikers dayon na ngadto sa pagtikangkang sa SWU sa sunod nga duha ka sets, 25-17 ug 25-23.

Ang USJ-R mi-abante ngadto sa finals human gitagak ang defending champion University of San Carlos, samtang ang SWU miangkon og luna sa kampiyonato human gitagak ang Don Gerardo L. Ouano Memorial National High School sa laing duwa sa crossover semifinals.

Gawas nga misakmit sa titulo, ang USJ-R nakaangkon sab og katungod nga maoy morepresentar sa rehiyon sa Shakey's GVL League of Champions karong Nobiyembre didto sa Biñan, Laguna. Apil sab sa ilang ganti mao ang pagduwa sa labing unang international tournament nga pasiugdahan sa Shakey's sunod tuig.

Samtang human malangkati sa ilang korona, ang USC naminghoy og maayo kay kutob na lang sila pagpahiluna sa ikaupat nga dapit human gilupig sa Don Gerardo, 27-25, 9-25, 25-23. (BANAT NEWS)

ANG ANG UNIVERSITY OF SAN JOSE-RECOLETOS BARANGAY SAN NICHOLAS CEBU CITY SPORTS INSTITUTE CENTRAL VISAYAS DON GERARDO DON GERARDO L GIRLS VOLLEYBALL LEAGUE SEASON LEAGUE OF CHAMPIONS OUANO MEMORIAL NATIONAL HIGH SCHOOL SHAKEY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with