Cebu leg sa Shell Advance Youth Cup moarangkada na

CEBU, Philippines - Moarangkada na ang Cebu leg sa 2014 Shell  Advance Youth  Cup karong adlawa diha sa Gaisano Bowlingplex ground sa barangay Banilad, Cebu City.

Ang underbone ug scooter circuit event ipahigayon sa upat ka mga dagkung siyudad sa Visayas ug Mindanao nga naglakip sa Cebu, Davao, Cagayan ug Dumaguete.

Magsilbe kining qualifying race alang sa 2014  Shell Advance Asia Talent Cup, nga usa sa mga kalihukan sa 2014 Moto GP Malaysian Grand Prix nga gikatakdang ipahigayon karong Oktubre didto sa Sepang, Malaysia. (BANAT NEWS)