JDU Sea Products nanginhas og daog sa As-Es B.A.R. Fiesta Cup 2014
CEBU, Philippines- Nanginhas og daog ang JDU Sea Products human makaipsot sa sikit kaayo nilang duwa batok sa Shaweh-DAB, 98-97 sa As-Es B.A.R. 2nd Conference basketball tournament Fiesta Cup 2014” didto sa Benjamin Solon Memorial gym sa barangay Cogon-Ramos, ning siyudad.
Ang kanhi commercial cager nga si Randyll Roncal miposa og 34 puntos lakip na ang tulo ka triples aron pangulohan ang kadaugan, apan si Nilo Dan-Dan nga adunay 16 puntos maoy miluwas sa JDU Sea Products pinaagi sa iyang heroic shot sa nahabiling otso segundos sa duwa.
Si Gerald Ylaya mikandos og 18 puntos, samtang si Joseph Du mikabo’g 10 puntos alang sa unang daog sa JDU Sea Products.
Gihatagan unta’g higayon ang Shaweh-DAB nga modaog dihang ila ang ball possession, apan wala masud ang follow-up shot ni Glenn Birao sa sipyat gikan ni Erwin Ferrer dayong kapupos sa oras.
Ang “Batman and Robin” nga silang Birao ug Ferrer maoy nangu nga mikabya’g 22 ug 20 puntos, gisundan nilang Tedong Mendoza ug Randy Aragon nga parehong mitikdol og 14 puntos.
Puntos Matag Usa
JDU (98) – Roncal 34, Ylaya 18, Dan-Dan 16, Du 10, Raboy 9, Estenzo 3, Manzano 2, Capoy 2, Villarba 2, Yhorks 2.
SHAWEH-DAB (97) – Birao 22, Ferrer 20, Mendoza 14, Aragon 14, Alesna 8, Tañajora 6, Narra 4, Sebrero 2, Lim 2, Endab 2. (BANAT NEWS)
- Latest
