UC batok CIT-U moabli sa Cordova-Cesafi pre season

CEBU, Philippines - Magtakus ang University of Cebu (UC) Webmasters batok sa Cebu

  Institute of Technology-University (CIT-U) Wildcats sa opening day sa Cordova CESAFI Pre-season games nga

sugdan karong Hunyo 8 didto sa Cordova Sports Complex.

 Ang laing duha ka teams nga mosalmot mao ang CESAFI reigning champion University of the Visayas (UV) Green Lancers ug

ang University of San Carlos (USC) Warriors, apan unya pa sila magsangka sa Hunyo 13.  

 Ang tsirman sa Cordova Sports Committee nga si konsehal  Roque Yburan mitug-an nga wala sila modapit sa Southwestern

University (SWU) Cobras tungod kay miabante sila sa semifinals sa nagpadayong FilOil Flying V Hanes  Premier Cup didto sa kaulohan. 

 Nahingpit ang detalye sa maong torneyo atol sa usa ka luncheon meeting kagahapon didto sa Abuhan Restaurant nga

gitambungan  sa mga sakop sa bag-ong naporma nga Basketball Association of Cordova  (BAC)  ubos  sa  liderato  ni   Yburan.

 Mitambong sab uban ni Yburan ang BAC legal counsel Atty. Jojo Gairanod, BAC commissioner Boy Allan Lataza ug ang

deputy commissioner ug gym manager Antoine Pogoy.

 Ang mga teams mopailawom sa single round robin series diin ang top two teams maoy magsangka alang sa titulo. (BANAT NEWS)