CEBU, Philippines - Nag-ensayo karon sa nabantog nga ALA Boxing Gym si former four-division world champion Nonito 'The Filipino Flash' Donaire (32-2, 21KOs) agi'g pangandam sa iyang title fight batok ni WBA featherweight champ Simpiwe Vetyeka (26-2, 16KOs) sa Mayo 31 didto sa
The Venetian Hotel and Casino sa Macau.
Ang 2013 "Fighter of the Year" nga si Donaire nakadesisyon nga anhi mag-training sa nasud kay dili kini layo sa Macau.
Kini ang ikatulong higayon nga nag-ensayo ang Filipino ring superstar sa ALA Gym.
Una atol sa iyang sangka batok ni Luis Maldonado unom na ka tuig ang milabay ug batok ni Moruti Mthalane niadtong 2008
diin nasakmit niya ang IBF flyweight title.
Si Donaire (32-2, 21KOs) mag-ensayo sud sa duha ka semana sa ALA Gym sa dili pa siya moadto sa Elorde Gym sa Manila.
"He will train here (at the ALA Gym) for two weeks," matud pa ni ALA Promotions President and CEO Michael Aldeguer.
"Together with his father Dodong (Donaire Sr.), Nonito will start his training camp and spar with some ALA boxers."
"Nonito has been a good friend of us that is why he is always welcome to drop by and train at the gym," dugang pa niya.
Si Donaire gikan pa sa iyang 9th round TKO nga kadaugan batok ni Armenian Vic Darchinyan niadtong Nobiyembre didto sa
American Bank Center sa Corpus Christi, Texas.
Ang 31-anyos nga si Donaire moaway sa ikaduhang higayon ubos sa 126 lbs. division uban ang paglaum mahimong world
champion pag-usab. (BANAT NEWS)