Aljur, utangan; kadaghan nag-cheat...

CEBU, Philippines — Usa ka nagpailang ig-agaw ni Kylie Padilla nga ginganlan og Princess Paulino ang ni-post sa Facebook sa nilabay nga adlaw ug gitagsa-tagsa ang giingong mga sala sa aktor ngadto sa aktres.

Suma pa, wala gyud magluib si Kylie kang Aljur bisan kanus-a. Aduna matud pay gihuwam nga kwarta si Aljur sa iyang asawa nga wala gyud niini bayri.

Dugang pa, makadaghan gi-buak ni Aljur ang kasingkasing ni Kylie, apan nagpakahilom ra gyud ang aktres.

Bisan niadtong mga panahon matud pa nga walay suporta si Aljur para sa ilang anak, wala gyud mohisgot si Kylie mahitungod niini.

Dugang pa ni Princess, dili sala ni Kylie nga giuwan si Aljur og bashers karon sanglit kini mismo ang nibandera sa iyang bag-ong relasyon sa social media.

Ug nga, niadtong gibutyag ni Robin Padilla ang mahitungod sa break up gumikan sa third party sa habig ni Aljur, wala matud pa magdahom si Kylie niadto ug nasagmuyo pa gani kini pagkatribukar niini.

Dili na igkita ang maong post sa Facebook, apan nagpasad ang screenshots niini sa nagkadaiyang social media sites.

Tipik niini nagkanayon: Hey Aljur, please have some decency.

“1. Kylie never cheated on you. Not even when you could not put food on the table.

"2. You still owe her a lot of money which she never took against you.

"3. You cheated on her multiple times, and we all know that. Stop your lies.”

Wala pay reaksyon sila si Aljur ug Kylie sa post ni Princess.

Sorry

Samtang nangayo'g pasaylo si AJ Raval ngadto kang Kylie. Kini human niya gi-share ang post ni Aljur nga naghagit kang Kylie nga isulti ang tinuod nga siya maoy unang nagluib.

Matud ni AJ, wala siya'y plano nga moapil-apil sa isyu kay wala siya'y katungod. Apan na emotional matud pa siya sanglit dili na niya maantos ang mga pagsaway nga iyang nadawat ingon man sa iyang pamilya gumikan sa pagkalambigit niya kang Aljur.

Mohawa una matud pa siya sa social media ug sunod tuig na mobalik..Nunot niini, gipapas ni AJ tanan niyang post sa Instagram.

"I'm really sorry sa lahat ng naapektuhan. And also kay Kylie, I'm really sorry kung shinare ko yung statement na yun. It's not my intention to hurt anybody. I was just trying to protect myself.Kaya lang, mali yung way ko.Pero na-realize ko rin na baka tama kayo. I'm too immature and I need to grow", tipik sa post ni AJ.