Ang matuod nga magbalantay

Sukaranang Teksto: Mk. 6;30-34

Ang atong katilingban karon  mga panahona ang matawag natong usa ka burn out society. Sa kadaghang trabaho ug sa tinguha nga mas mapalapdan ang productivity, daghanan nato ang nahikalimot nag ani sa pagpahulay.

Nahurot ang atong kusog. Kining maong problema Nakita sa atong Ginoo.

Tungod niini iyang gimandoan ang iyang mga tinun-an nga mangadto sila sa dapit nga awaaw aron didto mamahulay sila.

Apan ang maong tinguha nila nabantayan sa katawhan nga nagkinahanglan kaayo sa ilang pangalagad nga tungod niini nag-una pa gani sila og abot sa maong dapit.

 Ang maong talan-awon nakatandog sa kasingkasing sa kasingkasing ni Kristo Jesus.

Sama sila sa mga karnero nga walay magbalantay busa gitudloan niya sila og daghang mga butang.

Sa atong kinabuhi pangandoy nato nga mohimo og mga dagkong mga lakang ug butang alang sa Dios. Nahikalimot kita nga ang Dios makahimo og mga dagkong butang alang kanato.

Wala nato siya matugoti nga molihok dinhi kanato ug pinaagi kanato.

Ang pagtahan sa atong kaugalingon ngadto sa kabubut-on sa Dios usa man ka pagpakita sa atong kakabus  ug kun mahimo nato kini nan, mas sayon alang sa Dios ang pagsulod sa atong kinabuhi.