Samtang busy ang kadaghanan sa pagsaulog sa mga adlaw sa mga Inahan dunay batan-on didto sa Mantalongon, Dalaguete ang nakahukom nga kutloon ang iyang kinabuhi atubangan mismo sa lubnganan sa iyang nitaliwan nga inahan.
Usa kini ka dakong samad alang ni bisan kinsang inahan nga magsud-ong sa iyang kaugalingong anak. Kun unsa man ang rason sa maong buhat, wala kita masayud apan kitang tanan mouyon nga dili lalim ang iyang naagian. Naglisud siya pagharong sa kamatuoran sa maong kasakitan mao nga mas gipili niya nga molingkawas niini pinaagi sa paghunos sa iyang kinabuhi.
Ang mga tawo karon taas kaayo ang level of awareness apan less kaayo ang tolerance of pain. Lisud rong panahona kay bisan kinsa ang mahimong atakihon sa depresyon ug malisud kaayo ang walay kasultihan karon.
Mahinungdanon kaayo nga abli lamang kita ug andam nga mamahimong makapaminaw sa mga kasakit sa uban; dunay mga suliran nga wala magkinahanglan og sulbad hinunoa gikinahanglan lamang ang pag-unong ingon man ang pagpaminaw.