Mo-retire ang part time employee

Dear Atty. Divine,

Ang akong igsuon gikatakda nang mo-retire next year. Dugay na siyang nagtrabaho sa iyang company but part time lang. Kun mo-retire siya makadawat ba siya og retirement benefit sa maong company bisan part time employee lang siya? Daghang salamat.

Leona

* * *

Dear Leona,

Basi sa Republic Act 7641  kun ang empleyado moabot na og 60 ngadto na sa 65 years old  nga maoy mandatory age for retirement ug nakaserbisyo na siya og dili mominus lima ka tuig sa maong company then mamahimo na siyang mo-retire sa  iyang trabaho ug ang kompaniya obligado nga mohatag kaniya og retirement benefits basi sa ilang retirement plan. Kun way retirement plan  ang employer dapat mohatag ang employer og 1/2 month per year of service isip retirement pay sa kawani. Basi sa implementing rules sa maong balaod kini nagkanayon nga covered niini ang tanang empleyado sa private sector regardless sa ilang status og designation lakip na ang mga part time employees. Buot ipasabot nga ang imong igsuon makadawat gyud og retirement pay  sa iyang gitrabahuan bisan kun siya part time worker lang provided nga nakatrabaho na siya sa maong company sud sa lima ka tuig Thank you and God bless. -- Atty. Divine

Alang sa inyong pangutana, ipadala lang sa Legal  Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.