Crime triangle nga naglambigit sa kababayen-an

Gisaulog karon ang buwan sa kababayen-an diin gitutokan ang mga isyu nga naglambigit sa kinatibuk-an nga pagkatawo sa mga babaye, ang mga natampo sa sa pagpalambo sa kinatibuk-an sa atong katilingban diin dako kaayo og natampo ang mga babaye. Gani patas na ang nahimo sa kababayen-an ug sa kalalakin-an karon.

Apan hangtud karon vulnerable gihapon kaayo ang mga babaye sa mga pagpangabuso tungod sa kahuyang sa kusog itandi sa linawas nga kusog sa mga lalaki, bisan og dunay mga babaye nga kusgan pa sa mga lalaki apan kadaghanan lupigon gyud kong lawas ang hisgotan hinungdan nga sayon silang target sa mga tampalasan.

Ning bag-o lang adunay mga kaso sa pagpangbastos sa mga babaye lakip niini niadtong babayeng tinon-an nga pasahero sa MPUJ nga gibag-id bag-iran sa usa ka manyak nga lalaki ang iyang sampot, maayo nalang kay nadakpan ang suspek human nisukol ang babaye kinsa nikumot sa kinatawo sa lalaki.

Laing kaso sa pagpamastos ang nahitabo sa baranggay Suba dabkayan sa Sugbo nga dunay 17 anyos nga nabiktima sa paganguot og totoy sa usa ka ex-convict nga manyakis kinsa natanggong na karon sa bilanggoan, katarongan sa suspek nga natintal siya dihang nasugatan ang bikima.

Dunay balaod nga nagproteher sa kababayen-an batok sa mga tawong mangabuso kanila o kining anti bastos law nga bisan og taghoy lang mamahimo na nga kasohan ang lalaki magbinastos apan dili nalang unta huwaton nga mabiktima sa pagbinastos kay naa may mga paagi nga dili kini mahitabo.

Matud sa hepe sa Women and Children Protection Division sa Cebu City Police Office nga si Capt. Glaia Nacario nga adunay crime triangle sa ingon niini nga kaso diin ang una mao nga ang suspek adunay desire sa paghimo sa krimen ug mangita og target nga mao ang biktima kinsa kadtong mga vulnerable sama sa mga menor de edad ug kababayen-an ug mangita sila og oportunidad nga himoon nila ang ilang desire.

Nga sayon nga target sa mga suspek kadtong mga babaye nga grabe ka reveaing ang mga sinul-oban, dili ingon nga victim blaming apan mao kini ang nature sa mga lalaking manyakon nga makadapit sa ilang mga mata ug dili makaagwanta kalit lang manigpo diha kon unsa ang ilang makita aron matagbaw ang ilang desire o gusto ngadto sa usa ka biktima.

Tinuod dili nato mahukman ang tawo base sa ilang sinul-oban kay kanang bayhana gusto lang magpakita og gamay'ng unod o komportable siya sa mga revealing outfit apan mao usab kini ang nagbutang sa iyang kinabuhi sa peligro kay ang mga dautan sa iyang palibot sayon ra kaayo siya nga targeton ug mosangpot sa krimen.

Ipahaum ang sul-obon nga sapot sa lugar nga adtoan, kong sa tan-aw nga safe ra ang area pwede didto magsul-ob og pa sexy apan kong moadto sa dapit nga dili luwas sa mga mata sa tawong uwagan dili nalang gyud magpakita sa kigol ug dughan kay seguradong kining bayhana pa ang makadapit sa mga kriminal.

Ning pagsaulog sa buwan sa kababayen-an nga nadungan sa Fire Prevention Month ipakita sa mga babaye ang kabangis sama sa kainit sa kalayo nga molitson sa mga lalaking moabusar kanila.