Sa maong adlaw Nobiyembre 26, 2023 Solemnidad Ni Kristong Hari

Maayong Balita

Atong nakita sa ebanghelyo karong Dominggo ang paglahi sa mga karnero gikan sa mga kanding. Ug ang direksiyon nga gigamit tuo ug wala.

Diha sa Balaang Kasulatan ang karnero gamiton sa paghalad ug gani simbolo man kini sa Ginoong Jesus ang Kordero sa Dios nga nagwagtang sa mga sala sa kalibotan.

Samtang ang kanding gamiton panahon sa yum kippur kun panahon sa day of Atonement diin gamiton ang kanding ingon nga absorber sa tanang mga sala sa mga tawo human kini pandongi sa kamot sa mga pari dayon buhian ngadto sa kamingawan aron didto siya mahiuban ni Azael nga usa ka demonyo.

Ang tuo sa laing bahin simbolo sa maayo samtang wala simbolo niadtong mga tawo nga mga masupilon.

Kasinatian

Kun ang Ginoo maayo ug Maloloy-on apan sa adlaw sa panghukom ang Ginoo mogawas ingon nga makatarunganong hari nga mohukom kanato segun sa atong binuhatan.

Sa panahon sa kabanhawan ang mga matarong makasinati sa kahimayaan. Ang mga gipanghimaraot ngadto sa walay katapusang silot.

Dili kini mahitungod sa kalayo nga mainit kondili ang paghikaw sa pagsud-ong sa Dios. Kini mao ang pinakapait nga silot.

Lihok

Samtang buhi pa kita atong subayon ang dalan sa Ginoo sanglit siya man ang Dalan ang Kamatuoran ug ang Kinabuhi. Uban lamang kaniya ang tinuod nga kalinaw. Viva Cristo Rey!

Pangamuyo

Christus Vincit, Christus Regnat, Christus Christus Imperat!