^

Banat Opinyon

Maharlika fund

LINTUNGANAY - Fred P. Languido - Banat

Aron kuno pagtigom og dakong pundo alang sa benepisyo sa mga Pilipino, gisugyot ni House Speaker Martin Romualdez pinaagi sa usa ka balaodnon ang pagtukod sa Maharlika Investment Fund.

Ubos sa House Bill 6398 ni Romualdez, giproponer ang katukoran sa Maharlika Wealth Fund Corporation nga maoy magdumala sa pundo.

Sigun sa balaudnon, ang korporasyon hatagan og pasiunang puhonan nga P250 bilyones nga tampohan gikan sa pundo sa Government Insurance System (GSIS), Social Security System (SSS), Land Bank of the Philippines, Development Bank of the Philippines, ug sa nasudnong panudlanan.

Ang GSIS maoy dunay labing dakong tampo nga moabot sa P125 bilyones samtang ang SSS, LBP ug DBP motampo og tag P50 bilyones. Ang laing P25 bilyones adto kuhaon sa national treasury.

Ang mga executives niining maong mga ahensiya automatic nga maoy maglangkob sa board sa bag-ong tukuron nga corporasyon diin gisugyot nga pangulohan ni Presidente Bongbong Marcos Jr.

Matud ni Romualdez nga ang pundo gamiton isip puhonan sa negosyo diin ang ginansiya ( kana kun duna man) ihatag isip benepisyo sa mga Pilipino.

Nindot unta ang tumong sa balaudnon kun way nagpahipi nga personal nga motibo niini. Apan ang problema makasalig ba ang mga membro sa GSIS ug SSS nga dili mahanaw ang ilang pundo nga iinvest sa Maharlika investment fund?

Kun track record sa gobiyerno ang hisgutan wala gyud ni ikapasigarbo sa negosyo tungod kay ang tanan nalugi og miresulta sa privatization.

Kun pananglitan simbako mahitabo ang gikahadlokan sa kadaghanan nga malugi ang investment, unsaon pagbawi sa pundo sa mga membro sa GSIS ug SSS?

Ang mahitabo niini kitang mga membro napud maoy mabuktot kay siguradong adto napud nila kuhaon sa umento sa atong binuwan nga contribution.

Ug way dag-anan ang mga membro tungod kay hadlokon dayon nga kun dili mosugot og umento sa binuwan nga contribution hayan mabangkaruta og dili na makabayad sa mga benepisyo sama sa pension.

Kun dunay ingon niini ka dako nga sobrang pundo ang GSIS ug SSS nganong kinahanglan nilang isugal sa way kasigurohan aron makahatag og benepisyo sa mga membro?

Nganong dili nalang ilargo paghatag sa ilang mga membro pinaagi sa dugang mga benepisyo sama sa umento sa pension?

Kun duna diay P50 bilyones ang SSS nganong lisud alang nila ang paghatag sa gipangayo nga umento sa pension sa mga retirado nilang membro?

Dihang nangayo og P2 mil nga usbaw sa pension ang mga retiradong membro sa SSS panahon sa administrasyon ni anhing presidente Noynoy Aquino hugtanong mibalibad ang kadagkuan sa SSS pimaagi sa presidente ug CEO niini kaniadto nga si Emilio de Quiros.

Mihulga pa nga mabangkaruti ang SSS sa tuig 2029 kun ihatag ang gipangayo nga usbaw sa pension. Mao ni hinungdan nga gi veto ni Aquino kaniadto ang balaodnon nga maghatag og P2 mil nga dugang pension.

Kun pasagdan kining plano pagtukod og Maharlika funds nabalaka ko nga basin magmata og buntag ang mga membro sa SSS ug GSIS nga wala na silay matiti nga benepisyo.

MARTIN ROMUALDEZ

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with