^

Banat Opinyon

Namatay nga way anak

LEGAL CORNER - Atty. Divine Flores - Banat

Dear Atty. Divine,

Ang akong igsuon namatay nga way anak. Kasal siya sa iyang asawa ug aduna silay mga properties nga napalit atol sa ilang kaminyuon. Pagkakaron ang iyang asawa ang mi solo sa kabtangan sa among igsuon kay sole heir daw siya, ang akong pangutana, aduna bay katungod kaming mga igsuon nga mangayo og bahin sa gibilin nga kabtangan sa akong igsuon nga namatay? Kun aduna mi katungod, unsaon man namo pagkuha ang among shares? Daghang salamat. — Tony

* * *

Dear Tony,

Kun way pre-nuptial agreement or marriage settlement nga gipirmahan ang imong igsuon ug ang iyang asawa before sila nagpakasal, ang property relation nga mo govern nila mao ang Absolute Community of Property ubos sa Article 75 sa atong Family Code. Buot ipasabot nga ang tanang properties nga gipanag-iya ug napalit sa magtiayon atol sa ilang kaminyuon gipanag-iya nilang duha. Apan sa dihang namatay ang imong igsuon na dissolve na ang ilang community property busa kining maong kabtangan kinahanglan na kining bahinon og kaduha nga diin ang katunga maoy share sa iyang asawa ug ang katunga maoy share sa imong igsuon nga namatay.

Kun way Last Will and Testament nga gibilin ang imong igsuon, ug kun patay na sab ang inyong mga ginikanan then kamong mga igsuon ang magbahin sa iyang katunga nga share sa properties. Kini basi sa Article 1001 sa atong New Civil Code nga nagkanayon:  “Art. 1001. Should brothers and sisters or their children survive with the widow or widower, the latter shall be entitled to one-half of the inheritance and the brothers and sisters or their children to the other half.” Ang maayo ninyong buhaton karon mao ang pagpasaka og reklamo sa asawa sa imong igsuon ngadto sa barangay aron sa pagkuha sa inyong share ug kun di mo mahusay sa barangay modangop gyud kamo sa korte aron sa pagkuha sa inyong bahin. Thank you and God Bless!

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

KASAL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with