Dear Atty. Divine,
Naay koy giabangan nga balay since last year. Medyo karaan na ni nga balay ug duna nay mga buslot sa atop ug sa drainage so maproblema mi kun mag-uwan kay magtulo.
Amo nang gipahibawo ang tag-iya apan hangtud karon wa pa man niya ipa-repair. Unsay angayan namo nga buhaton? Daghang salamat.
Susan
* * *
Dear Susan,
Basi sa Article 1654, par. 2 sa Civil Code of the Philippines, kini naglatid sa mga obligasyon sa lessor nga naglakip sa mga pagpa-repair aron magpabiling suitable nga puy-an ang balay nga imong giabangan. Kun di gyud niya ipa-repair then mamahimo nimong i-suspend ang imong pagbayad sa rent basi sa Article 1658 sa Civil Code.
Mamahimo sab nga mao kini imong basihan sa pag terminate sa contract kun di gyud niya ipaayo ang atop.
Apan mas maayo nga imong estoryahan ang lessor ini’g kolekta niya sa imong rental about sa imong plano to suspend sa pagbayad sa rent or sa pag-terminate sa contract kun di gyud siya molihok. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.