^

Banat Opinyon

Pagkaparata gyud!

LABTIK - Alan Domingo - Banat

Kini ang natilawan sa mga batan-on nga nakigdinumogay aron lang makasaksi sa Arat na Cebu Concert sa Cebu City Sports Center kagabii tungod sa kadaghan sa mga tawo wala na makontrolar ang crowd nga mihamag sa venue.

Wala ganiy nahimo ang kapolisan nga misuway sa pagkontrol sa midagsa nga mga tawo kay na overpower sila sa daw balod sa mga tawo nga gusto na gyud mosulod sa sports center maong misibog nalang intawon sila.

Grabe ka wild ang mga batan-on nga murag nakagawas sa kwadra nga nagwala  nga misangpot sa pagdinuotay nga miresulta sa pagkakuyapan sa uban nga napiit.

Aduna pay nag post og video nga nagbagotbot nga ang kahimtang nila dili concert kon dili sama sa nangaligo sila, literal nga naligo sa singot tungod sa paningkamot nga makaginhawa kay napiit na lagi sa mga tawo.

Naa pay laing eksena nga napaud na sa sakyanan ang mga tawo ilabi na kadtong mga babaye nga naduot kay nag stampede na, gipangtangtang nila ang ilang face mask aron lang gyud makahanggab og hangin, nakahanggab man sila og hangin apan gikan usab sa ilong sa mga nanambong nga nagbinugahay na sa ilang mga gininhawa, pastilan ang virus niadto  diretso sa baga sa usag usa.

Bisan og alert level 1 na ang dakbayan sa Sugbo ug wala na seguro gi practice ang social distancing kay wala na nauso karon apan gikinahanglan nga maseguro nga padayon ang pagsul-ob og face mask kay naa pa man kita sa pandemic.

Sa mga video nga mikatap karon sa social media sa sinugdanan nag face mask pa apan sa pag ulbo na sa stampede gipangtangtang nila aron lagi makaginhawa.

Tinuod man nga kagawasan sa mga tawo ang nahitabo kagabii kay natanggong man kita sulod sa kapin duha ka tuig tungod sa pandemic apan tataw kaayo nga naabusaran ang kagawasan nga moresulta unya sa subling kalisdanan nga mahiaguman nato simbako kong mosaka na usab pagbalik ang kaso sa covid.

Nahitabo na kini sa ubang mga nasod nga mas adunahan ug malamboon, dinhi pa kaha? ambot lang kung duna pay ikasustiner ang kagamhanan kung mahitabo pagbalik ang lockdown sama sa nahitabo didto sa Hong Kong.

Nanghinaw na ang administrasyon ni Cebu City Mayor Mike Rama nga dili ang ilang partido ang nagpasiugda sa konserto apan anaa ang ilang presensya didto kompleto sila ug midiskurso pa.

Bisan og dili sila ang nagpasiugda apan gikinahanglan nga unta nga giseguro nga nahan-ay ang tanan aron masegurong walay mamugna nga mas dakong problema inig ka human.

Ang Arat na Cebu Concert ang mamahimong sukdanan kung unsa ka lig-on ang immunity sa mga tawo batok sa virus, atangan nato kung padayon ba nga moubos ang kaso sa covid sa dakbayan inig human sa 14 ka adlaw.

Kung mamintinar man gani o mas moubos pa, magpakita lang kini nga napilde na sa Cebu City ang covid ug andam na kita nga moasdang sa mas dagko pa nga kalihokan nga padaghanay sa mga tawo.

Ang kaulohan man usab ang nag una-una nga gisunod lang pud sa mga tigpasiugda sa dakbayan sa Sugbo, dili gyud palupig kung nahimo didto sa Pasig nganong dili mahimo sa Cebu City?

CEBU CITY SPORTS CENTER

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with