Sulti Ginoo kay mamati ang imong sulogoon
Mao kini ang tambag ni Eli ngadto kang Samuel sa dihang sa makatulong higayon niduol kini kaniya kay lagi gitawag man siya. Kaniadto wala pay kalibotan si Samuel kun si kinsa ba gyud si Yaweh. Apan ang maong pagpaminaw maoy sinungdanan sa laing ug mas daghan pang pagpaminaw kalabot sa mga mensahe sa Dios alang kaniya ug sa Israel niadtong panahona.
Apan dili ka makapaminaw kun:
1. Nabilanggo na ang imong dalunggan sa naandang honi diin ikaw komportable.
2. Mahadlok ka sa bag-ong mga mensahe nga dili haom sa imong baruganan ug panlantaw.
3. Naanad ka na sa naandang bul-og sa tingog nga giisip mong mananoy ug makahuloganon.
4. Dili ka abli sa bag-ong hugna sa pagpakabuhi isip tawo o katilingban.
Pagahimoon ang synod on synodality ug segun sa naandan dunay uyon ug dunay supak. Bisan pa man kun lunsay ang tinguha ni Papa Francisco kalabot sa mapamalandungong katilingban apan malisud ang pagkab-ot niini labina kun tuyo ug tumong ang pag mix up sa bisan unsa nga balansayon ug panlantaw aron madawat lamang ang tanan for the sake of fraternity.
Unta angayang maamgohan natong tanan nga:
1. Dili tanan mahimong dawaton ug mahimong sagulon.
2. Dili tanan haom sa k ahiusahan. Dunay panag-uyon apan dili gyud kalikayan ang panagsumpaki.
3. Ang bisan unsang absolute dili mamahimong sugaton lamang for the sake of fraternity.
May kalainan apan dunay panaghiusa sa gihapon. Dili sa tanang panahon himoong uniform dili ba?
- Latest
