Universal Social Pension approved na sa House appropriations committee

Ato ning giuna paghisgot dinhi, tungod kay dugay nang naghuwat ang mga senior citizens niini, ug dili kita makahuwat sa Senior Citizens Corner karong biyernes. Finally, na-aprobahan ra gayud sa House appropriations committee.

Unsa man ni? “This bill seeks to grant universal social pension benefits to all senior citizens, regardless on financial status or income bracket, of Two Thousand pesos (P2,000.00) per month, subject to review every two (2) years, taking into consideration inflation and the availability of funds.”

Sa ato pa, alang kini sa tanang senior citizens ma-indigent o dli. Ang maong kantidad, kon molusot man sa Senado, (labing seguro pirmahan kini ni PBBM), daku kaayog ikatabang sa mga financial needs sa mga senior.

Sa mga pagtuon nga gihimo, nakita nga bisan kadtong adunay regular nga retirement benefits, (labi na mga SSS pensioners nga mager kaayo), dili igo nga makatubag sa mga galastuan. Matud pa, the lack of a regular source of income results in great economic instability. Some basic needs like housing, food, and clothing remain, while there is rapidly increasing health-related expenditure.“

Ang tanang senior maapektohan gayud niining maong mga basic needs, hinungdan nga sa Universal Social Pension Program, covered ang tanang senior citizens, tungod kay managsama man ang mga suliran nga giatubang niini. regardless sa financial capacity.

Dili man moingon ang inflation nga exempted o walay labut ang nagdawatan og pension kay dili ma-epektohan sa ka-mahal sa prisyo sa bugas ug sa ubang palitunon. Mao nga as far as the needs and concerns of the senior citizens, managsama ang tanan.

* * *

Giingon dinhi nga partial operation sa CBRT sugdan duha ka bulan gikan karon. Nindot kon madayon, inay hunongon ang pagtrabaho niini. Alang nako, kon unsa man ang problema niini, pangitaan natog paagi unsaon pagsulbad, dili kay outright, hunongon o kanselahon ang maong proyekto. 

Sa iyang pagduaw sa Sugbo, gihisgutan ni DOTr Secretary Jaime ang mga proyekto sa Sugbo, lakip na ang sa CBRT.  Si Bautista nagkanayon:  “We were talking about some of the projects of DOTr in Cebu, including the Cebu BRT; some issues that we need to resolve. Malaki na rin (construction work done). There are different phases kasi…overall, we are looking on partial operations by seguro June of this year.”

Bitaw, awhag ni Bautista, magtinabangay ang tanan, mag-coordinate, inay nga mag-iyahay og palusot sa kaugalingong mga hunahuna, sa walay pagtagad unsa ang hunahuna sa uban. Ang matag usa kanila, maghunahuna nga sila ang husto. Maayo man gani kay ang hunahuna ni Bautista wala motakdo sa ilang mga hunahuna.

“Ipagpapatuloy natin yan. We will push through with the project. Posibleng magkaron ng modification, that is why we will continue with the discussion with them. And, also, we have to see to it that we will comply with the approval made by NEDA and World Bank that would finance the project,” dugang ni Bautista.

Maayo man gani kay si Mayor Mike wala magpadala sa mga hunahuna ug sugyot sa uban nga gustong hunongon ang trabaho.

Nia pa, kun hunongon ang trabaho, kinsa may mo-refund sa nagasto sa World Bank?