_banat
^

Banat Opinyon

Masurprisa mo

RENBOR PATROL - Rene U. Borromeo - Banat

Kadtong mga tawo nga nagsige’g paukyab nga namatay na si Mayor Edgar Labella, mapasiga gyud ang inyong mga mata kon makakita nga abtik na ang mayor.

Gitug-anan ko ni kanhi konsehal Joey Daluz III, ang chairman sa Metro Cebu Water District (MCWD), nga didto siya ni Mayor Labella sa ospital sa miaging adlaw.

Matud ni Daluz nga “mokanta-kanta” na gani kuno ang mayor. Ambot og wa lang ba ko komedyahi sa amigo nakong suod sa mayor.

Pero seryoso si Daluz pag-ingon niya nga napiskan na pagbalik si Labella. Kon mao na, nindot kini nga balita alang sa iyang mga dumadapig.

* * *

Sayo ko nga gitawag ni Daluz kagahapon sa buntag kay gipahibawo nga karong sunod semana, adto mi sa bukid kay susihon namo ang laing posibleng tinubdan sa tubig sa MCWD.

Way hunong si Daluz ug ang ubang opisyal sa MCWD sa pagpangita og sulbad sa kakuwang og tubig dinhi sa Metro Cebu, ilabi na sa siyudad sa Sugbo.

Gitug-anan ko ni Edna Inocando, ang public affairs manager sa MCWD, nga kada adlaw magkinahanglan unta sila og 530,000 cubic meters nga tubig, kun 2,650,000 ka baril nga tubig kada adlaw.

Apan pagkakaron, ang MCWD nakasuplay lang og 230,000 cubic meters nga tubig, kuwang og 300,000 cubic meters. Mao nga seryoso si Daluz nga mangita’g sulbad niining maong problema.

Pagkakaron, ang MCWD nangabang og mmga water tanker nga makaabag sa ilang mga water tank nga mohakot og tubig paingon sa mga dapit nga dili na maabot sa ilang suplay.

Wa kini buhata sa mga sakop sa MCWD Board kaniadto mao nga gipailisan sila ni Mayor Labella sa grupo nilang Daluz. Mao kini ang rason nga gisuportahan gyud nako sila si Daluz kay nindot ang ilang serbisyo.

Dia ko magpuyo sa bukid ug kaniadto, matagbaw tawon ko pagtukaw aron manghakot og tubig nga mobiyahe pa ko og kapin kilometro aron makakuha og tubig.

Ang mga sakop sa MCWD Board kaniadto nagsige lang og dawat sa dagkong honorarium nga wa maghunahuna og sulbad sa problema sa mga konsumidor og tubig.

Apan kon pasultion, magtuasik lang ang laway sa pagsulti nga wa diay kamatuoran. Usahay, dili pa motagad sa mga sakop sa media nga gustong mangutana.

Diha ko nga nahiubos sa kanhi mayor nga gipugos pagtudlo ang iyang amigo aron maoy mag-chairman sa MCWD bisan og way maayong agi.

Karon, malipay ko kon si Daluz dili lang unta mosulod pagbalik sa politika aron mahuman niya ang iyang gipangandoy nga mga proyekto sa MCWD.

EDGAR LABELLA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with