^

Sugod na ang pagpangbakuna

SAKSAK SINAGOL - Lucky Malicay (Banat) - March 3, 2021 - 12:00am

Gisugdan na Department of Health ang pagpamakuna sa mga hospital sa kagamhanan niadtong Lunes human niabot sa nasud gikan sa China ang unang hugna sa vaccines batok sa coronavirus disease or COVID-19.

Mikabat sa 600,000 doses sa Coronavac gikan sa Chinese company nga Sinovac ang niabot sa nasud niadtong Dominggo taliwala sa mga dakong kabalaka sa mayoridad sa mga Pilipino sa kalidad sa maong bakuna gikan sa China.

Gidonar sa kagamhanan sa People’s Republic of China ang 600,000 doses sa Coronavac ug miagi kini sa FDA nga mihatag niini og emergency use authorizatrion (EUA), nga nagpasabot nga libre kini nga gamiton dinhi sa nasud.

Sa akong pagsulat niini, gikatakdang moabot sa nasud ang laing 500,000 ka doses sa AstraZeneca vaccines. Apan nadugay ang pag-abot niini gumikan sa isyu sa suplay, matud pa ni Health Secretary Francisco Duque.

Hinuon gipaniguro mismo ni Presidente Rodrigo Duterte nga luwas ang Coronavac. Giawhag usab ni Duterte ang katawhang Pilipino nga wad-on ang ilang dakong kabalaka kabahin sa maong Chinese vaccine ug magpabakuna.

Si Gerardo Legaspi, ang director sa Philippine General Hospital, maoy unang nagpa-inject sa CoronaVac. Siya gisundan usab ni Food and Drug Administration chief Eric Domingo ug Secretary Vince Dizon sa COVID task force.

Hinuon, dili usab nato mabasol ang kadaghanan dinhi sa nasud nga magduhaduha pagdawat sa bakuna gikan sa China. Kini gumikan usab sa efficacy rate niini nga hilabihan ka mubo kon itandi sa ubang mga vaccine sa ubang nasud.

Laing hinungdan ngano nga bugnaw ang pagdawat sa mayoridad sa mga Pinoy sa bakuna batok coronavirus disease mao ang atong nasinati sa Dengvaxia scandal diin daghan sa mga bata ang namatay human nabakunahan batok sa dengue.

Gawas lamang niadtong usa ka health frontliner nga nakuyapan pipila ka oras human nabakunahi, wala pay balita mahitungod sa seryoso nga epekto human nabakunahi ang unang mga health workers didto sa kaulohan sukad niadtong Lunes.

Maglaum lamang kita nga walay dautang side effects mugna niining Coronavac ug sa uban pang bakuna. Miagi kini sila sa makuting proseso ug nakapasar sa mga screening sa mga health authorities, sama sa World Health Organizations.

Alang kanako, mas maayo na lamang nga mabakunahan ang matag usa kanato batok sa COVID-19. At least naa kitay panagang sa maong makamatay nga balatian. Hinuon, angay usab nga modangop usa kita sa mga doktor sa dili pa magpabakuna aron pagsiguro nga luwas kita niini.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with