Zero case makab-ot
SAKSAK SINAGOL - Lucky Malicay (Banat) - October 28, 2020 - 12:00am

Dili ikalimod nga basi sa talaan sa Department of Health, mitiurok na ang numero sa bag-ong  mga kaso sa coronavirus disease o COVID-19 sa Metro Cebu, ilabina sa dakbayan sa Sugbo, sa nanglabay nga tulo sa bulan.

Dili ikalimod nga mugna kining maayong kalamboan sa estrikto nga pagpatuman sa mga lagda pagmintenar sa health protocol bisan pa sa taliwala sa mga pag-alburoto sa pipila dinhi sa siyudad nga grabe’ng mialkontra niini.

Ug dili usab nato ikalimod nga tungod sa higpit nga pagbantay sa otoridad, ilabina sa mga miyembro sa kapolisan, mora’g dili layo ang posibilidad nga magmadaugon ang dakbayan sa daling panahon sa kampanya niini batok sa makamatay nga COVID-19.

Karon, isip pagpakusog pa sa krusada batok sa coronavirus, ang lokal nga kagamhanan sa dakbayan mianunsiyo nga mohatag kini og dakong ganti pinansiyal alang niadtong mga barangay nga maka-score og zero nga kaso sa COVID-19 sugod sa sunod bulan.

Ang P100,000 nga ganti gikan sa City Hall madawat sa matag usa sa mga barangay sa siyudad nga makakuha og walay kaso sa coronavirus disease gikan sa Nobiyembre 1 hangtud sa Disyembre 31 niining tuiga.              

Naingganyo ang lokal nga kagamhanan paghatag og ganti human gidayeg ni Department of Environment and Natural Resources Secretary Roy Cimatu – and coronavirus disease overseer dinhi – ang siyudad sa Sugbo sa dakong kalamposan niini sa kampanya batok sa COVID-19.

Mihatag og “perfect score” si Cimatu sa dakbayan tungod sa maayong krusada niini hinungdan nga mitiglom pag-ayo ang numero sa mga bag-ong kaso sa maong balatian.

Ug hinaut nga mamahimo kuno kini nga panig-ingnan sa ubang mga local government units sa nasud.

“This is a challenge posed by Secretary Cimatu, although I am confident that Cebu City will have zero cases.

It’s a tall order but we will try our very best to achieve it,” matud pa ni Mayor Edgardo Labella sa sa taho sa The FREEMAN sa niaging semana.    

Hinaut nga ang ganti pinansiyal makapadugang pa sa kaikag sa katawhan ning dakbayan nga maghiusa niining dakong gubat batok sa kaaway nga dili nato makita.

Hinuon, niining bag-o nga kalamboan, dako ang tsansa nga magmadaugon kita sa katapusan.

DEPARTMENT OF HEALTH
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with