^

Kalamposan batok druga

SAKSAK SINAGOL - Lucky Malicay (Banat) - October 26, 2020 - 12:00am

Susama sa kakusog sa kumbati sa kagamhanan batok sa coronavirus disease ang katulin usab sa mga nalambigit sa negosyo sa ginadiling druga sa ilang palusot sa ilang produkto sa nasud, ilabina dinhi sa Sugbo.

Dili pa lamang dugay, mokabat sa P150 milyones nga balor sa shabu ang nasakmit sa kapolisan ug mga sakop sa Philippine Drug Enforcement Agency sa ilang dakong operasyon didto sa dakbayan sa Lapu-Lapu kaniadtong Miyerkules.

Sinulod og mga teabag ang nasakmik nga mga druga ug gihimo kini aron paglanlis sa otoridad. Matud sa direktor sa Police Regional Office-7, gikan sa sindikato sa “Golden Triangle” sa nasud sa Myanmar ang maong binultong mga druga ug nakasulod gayud kini dinhi sa Sugbo. Ang maong operasyon sa kapolisan gisundan usab, human sa pipila ka oras, sa pag-aresto sa usa ka drug pusher kinsa makuhaan og subra sa P5 milyones nga balor sa druga sa Barangay Punta Princesa sa dakbayan sa Sugbo.

Atong pahalipayan ang otoridad sa ilang malamposon nga mga operasyon batok sa gidililin g druga. Nagpasabot lamang kini nga wala sila milugak sa ilang kampanya bisan pa man sa dakong pwerhisyo dala sa makamatay nga virus.

Gani, mas gipakusgan pa nila ang ilang krusada batok sa maong illegal nga negosyo. Kini gumikan kay nasayod sila nga mas mopakusog usab kadtong mga drug dealer ug pusher sa ilang operasyon isip pag-take advantage sa kasamtang pandemic.

Bisan pa man niini, daghan ang nangagpas nga dili na gayud kuno mapapas pa ang negosyo sa ilegal nga druga dinhi sa Pilipinas. Magpadayon gayud kini samtang anaa pay mga tawo nga pabiling nagpakabuang niini.

Hinuon, dakong hagit sa otoridad nga kinahanglan ila usab nga hingusgan pa ang ilang kampanya batok sa ginadiling druga.

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with