Tuob
AMBOT LANG - Gerry Auxilio (Banat) - June 30, 2020 - 12:00am

Wala dasiga sa Department of Health (DOH) ug kahugpongan sa mga medical practitioners ang katawhan sa pagtuob tungod kay matud pa nila wala pa makita sa siyensia nga kini epektibo nga tambal batok sa makamatay nga coronavirus disease.

Una niini gidasig ni Governor Gwendolyn Garcia ang katawhan sa lalawigan sa Sugbo ug ang mga kawani sa Kapitolyo sa pagtuob aron makalikay sa coronavirus disease.

Atol sa online press briefing sa gobernadora gipamatud-an sa igsuon niini ang pagkaepektibo sa tuob batok sa coronavirus disease human siya gipahibawo sa iyang anak nga naayo ang iyang umagad nga langyaw tungod sa tuob.

Ang pag-umangkon sa gobernadora ug ang bana niini nga langyaw tua manimuyo sa gawas sa nasud

Ang tuob anaa na kini sulod sa dugay na nga panahon. Kun wala ko masayop ang tuob gipraktis na sa atong katigolangan isip matang sa pagtambal sa wala pa moabot dinhi sa nasud ang western nga matang sa pagpanambal.

Sa akong nahibaw-an ug personal nga kasinatian ang tuob maoy gigamit sa akong lola sa pagtambal sa akong pasmo. Ang problema lang kay ang mga doktor dili pod motoo og pasmo.

Sa wala pa moabot ang western nga matang sa pagpanambal simple ug sayon ra man kaayo sabton ang pangalan sa mga sakit nga motakboy sa mga tawo sama sa pasmo, sakit sa tiyan, ubo, sip-on, pagaw ug hilanat.

Pero niining modernong panahon nga mikuyanap na pagmaayo ang inpluwensiya sa western nga medisina, ang gipamati sa tawo nga ubo, sip-on, pagaw ug hilanat tawgon na man nga coronavirus.

Ang kahugpongan sa mga doktor miingon nga basin og makapanalipod sa coronavirus ang tuob apan wala pay findings nga kini makaayo sa makatakod nga virus.

Kun sa pamasin makapanalipod sa tawo ang tuob nganong supakon man kini nga ang tumong ug tuyo sa gobyerno mao man ang pagpanalipod sa tawo batok sa coronavirus?

TUOB
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with