Disiplina
AMBOT LANG - Gerry Auxilio (Banat) - June 4, 2020 - 12:00am

Ang disiplina mao ang praktis sa pagtudlo sa tawo nga mosunod sa mga patakaran o libro sa pamatasan gamit ang silot aron makorehian ang wala pagsunod o ang pagsupak.

Sa Pilipinas daghan ang walay disiplina ug mao kini ang usa sa mga rason nganong daghan ang natakdan sa Coronavirus Disease 2019 o COVID-19.

Bisan gipatuman na ang Enhanced Community Quarantine sa mga lugar sa Pilipinas nga kusog nanakod ang COVID-19 sama sa Laguna, National Capital Region ug Cebu City, diin hugot nga gidid-an ang katawhan ning mga dapita sa ilang lihok, apan mga lihokan gihapon.

Samot na gayod nga gibalik na sa General Community Quarantine ang halos tanang dapit sa nasud. Sa kaulohan, murag mga kabayo nga nakagawas sa ilang halwa ang mga tawo. Ang mga tawo sa dakbayan sa Sugbo ug sikbit nga mga dapit misunod usab sa gihimo sa mga tawo didto sa kaulohan, nanggawas na nga wala na magsul-ob sa ilang mga facemask ug quarantine pass.

Giingon sa uban nga bag-o na ang normal tungod sa COVID-19 apan daan nga normal ang akong nakita. Buhing kamatuoran ang ka kulang sa disiplina sa mga tawo.

Mao ni ang nakapabalaka sa ubang tawo nga nahadlok nga matakdan sa makamatay nga virus.

Pahinumdom lang sa mga nagkiat ug naglaroy-laroy nga bisan og GCQ na ang isla ug dakbayan sa Sugbo, ang COVID-19 wala pa gihapon mahanaw. Nagpahipi ra gihapon kini sa atong palibot aron motakod kanimo. Busa ayaw pagkompiyansa kay basin matinuod kanimo ang giingon sa social media nga ang GCQ magdala kanimo sa ICU ug kun magkalisod magdala kanimo sa sementeryo.

Sa mga nagkiat ug naglaruylaroy, hinumdumi ang inyong pamilya ug kuha-i og panag-ingnan ang mga naigo sa maong sakit nga gikahadlokan na sa iyang mga silingan ug mga higala. Gusto ka bang maparihas nila?

DISIPLINA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with