Napukan
AMBOT LANG - Gerry Auxilio (Banat) - May 16, 2019 - 12:00am

Napukan ni Bise Mayor Edgardo Labella si Mayor Tomas Osmeña sa ilang panagharong sa pagkamayor sa milabay nga Mayo 13 nga piniliay sa dakbayan sa Sugbo.

Gipukan usab ni kanhi mayor Mike Rama si Konsehal Mary Ann Delos Santos sa ilang panag-atbang sa pagkabise mayor.

Hinuon bisan wala pa maihap ang mga boto nila ni Mike ug Mary Ann klaro na kaayo nga mao gayoy modaug si Rama kay gihulagway man ang kandidatura ni Delos Santos nga daw sama ra siya sa gilawog ni Mayor Tomas Osmeña sa tirong.

Apan kun midaug man sila si Labella ug Rama, napildi usab ang kadaghanan sa ilang mga kandidato sa pagkakonsehal.

Sa Norte nga bahin sa dakbayan sa Sugbo, duha lang sa walo nila ka mga kandidato sa pagkakonsehal ang midaug. Hinuon, lima sa ilang walo ka mga kandidato sa pagkakonsehal ang midaug sa South nga distrito.

Apan kun imong sumadahon, mas daghan ang mga konsehal nga iya sa kampo ni Osmeña. Mosamot pa gayod ang ilang gidaghanon sa konseho kun idugang na ang ABC president ug SK federation president nga pulos mga sakop ni Osmeña.

Dako nga trabahoon nila ni mayor-elect Edgardo Labella ug vice mayor-elect Mike Rama ang gidaghanon sa ilang kaatbang sa konseho.

Sayod kita nga numbers game ang konseho busa kinsa kadtong daghan, mao ang maghari. Mao kini ang hinungdan nganong daghan sa mga local chief executive nga walay kontrol sa iyang konseho ang wala gayod makahimo sa iyang mga programa nga gustong ipatuman.

Good luck na lang sa umaabot nga pamunoan ni Labella ug Rama.

Ang atong nakita nga sitwasyon sa dakbayan sama ra pod sa dakbayan sa Lapu-Lapu diin duha lamang sa dose ka mga konsehal ang midaug sa habig sa bag-ong napili nga mayor nga si Pajac Barangay Kapitan Junard “Ahong” Chan.

NAPUKAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with