^

Banat Opinyon

Masubli bang kasaysayan?

ARANGKADA - Leo Lastimosa - Banat

Tungod sa kahigayonan nga sila rang Senador Bam Aquino ug kanhi Senador Mar Roxas ang taga oposisyon ang makadaog pagka senador sa piniliay karong Mayo 13, posible man gani nga si Aquino ra o wa gyud nila, ang Malakanyang niinsistir nga lain ning timaan sa talagsaong popularidad ni Presidente Rodrigo Duterte.

Apan nakapasamot sab ni sa kabalaka nga kun magawongan na sa Malakanyang ang Senado, kay upat na lay oposisyon nga mahibilin ug piniriso pang usa, mahimo na sa administrasyon ang tanan nilang plano: Pag-usab sa konstitusyon, pagpatuman sa federalismo, pag-impeach ni Bise Presidente Leni Robredo ug pagpalagpot ni Senador Leila de Lima.

* * *

May nahinumdom nga dihang hapit sab maharos ang oposisyon sa Senado—si anhing Ninoy Aquino ray nakadaog sa midterm election sa unang termino ni anhing Presidente Ferdinand Marcos niadtong 1967—nisangpot sa diktadura.

May nipahinumdom sab sa labing unang piniliay ubos sa diktadurang Marcos niadtong 1978 nga nakapabuak sa mga haligi sa oposisyon—si Aquino (uyoan ni Bam) niapil apan silang Gerry Roxas (amahan ni Mar) ug Jose Diokno (amahan ni Chel) niboykot.

* * *

May nipada sab nako og kopya sa suwat ni Ninoy Aquino alang sa mga botante dayong piniliay sa Interim Batasang Pambansa niadtong Abril 7, 1978. Giisip niya ang diktadura nga pagsuway kay ang katawhan nipakasayon sa kagawasan nga gipakamatyan sa atong katiguwangan; igo lang nanaway apan nipaundayon sa mga abuso sa gobiyerno; ug nagpakabuta sa mga panaugdaog basta lang nga di sila ug ilang pamilya ang nahiagom.

Nipasidaan siya nga ang ilang kapildehan sa piniliay nagkahulogan nga ang katawhan ganahang magpadayon ang kawat sa panudlanan, pagpangyatak sa tawhanong mga katungod ug paglansang sa suholan sa mga mamumuo aron pagdani og mga negosyante.

* * *

Napilde silang Ninoy ug kaubanan sa piniliay (nakalusot hinuon ang Pusyon Bisaya sa Sugbo ug Central Visayas nga gipangulohan ni kanhi Chief Justice Hilario Davide Jr.). Ug human sa lima ka tuig, gipatay si Ninoy.

Sa iyang suwat, gikutlo ni Ninoy si Dr. Jose Rizal: “Way mangulipon kun way magpa-ulipon.”

May laing tambag si Rizal nga mahimong kapanaminan: “Ang di kamaong molingi sa iyang gigikanan di kaabot sa iyang padulngan.” Kanus-a pa man ta makakat-on sa mga pagtulon-an sa kasaysayan? 

* * *

[email protected]

KASAYSAYAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user