Katawhan misumbong
RENBOR PATROL - Rene U. Borromeo (Banat) - April 26, 2018 - 12:00am

Pagkanindot gyud kon ang katawhan moabag sa kampanya batok sa mga ilegal, bisan pinaagi lang sa paghatag og inpormasyon. Daghan kaayo ko og nadawat nga inpormasyon nga nagtug-an ngano nga wala masumpo ang ilegal nga sugal dinhi sa atong dakbayan.

Una, ang mayor wala magpakabana nga masumpo ang ilegal nga sugal kay nagtuo tingali nga trabaho ra gyud kini sa kapolisan. Angay’ng masayod ang mga mayor ug gobernador nga ubos sa Republic Act 8551, sila adunay dakong tahas kabahin niini.

Ang Section 63 sa Republic Act 8551 naglatid nga “The control and supervision of anti-gambling operations shall be within the jurisdiction of local government executives.” Dili ba klaro man kaayo?

Isip mga Napolcom deputies, ang mga mayor makamando sa kapolisan nga hingusgan ang kampanya batok sa ilegal nga sugal. Apan dinhi sa ato, lugak kaayo ang kampanya batok sa illegal swertres ug mga gambling machines.

Ang ubang opisyal sa barangay nagpatuo nga wala na’y ilegal nga sugal sa ilang mga dapit, sama sa video karera ug moli-moli. Tigbakay panagsa na lang kuno, apan swertres medyo magpanagana pagbuka sa ilang baba. Diay inpormasyon nga akong nadawat.

* * *

Mao diay nga nagpadayon ang pag-operate og video karera diha sa Ponce 2 sa Barangay Carreta kay giproteksyonan diay kini sa mga polis nga mag-anhaan diha kada semana, ug nahibawo na ta. Gipasaligan ko sa akong informer nga kuhaan nila og hulagway ug ihatag nako ang picture kon mobalik ang maong mga polis sa Station 3.

Sa Duljo-Fatima, duna sab. Duha ang naa kuno sa Sitio Bohol, ug duna sab didto sa Sitio Riverside ug San Pedro. Sa daplin sa sapa diha sa Barangay Pasil gikataho sab nga dunay nag-operate nga karera.

Apan sa Barangay Tejero maoy daghan. Gitago lang hinoon kuno, matud sa akong inpormer. Anaa kini likud sa karaang provincial jail. Sa Ermita nadawat sab ko nga report sa mga karera nga gi-operate.

Hangyuon nako ang mga inpormer nga ihatag ang kompleto nga detalyi, sama sa lugar ug sa tag-iya sa balay nga gibutangan. Ipadala ang inpormasyon sa 0943-0766611.

* * *

Maglagot gyud ko nga magtan-aw nga duna gyu’y daghang driver nga mosige gihapon og counterflow sa traffic, ilabi na sa dalan Sikatuna, paingon sa Gorordo Avenue.

Gitudloan nako ang CITOM kon unsaon nga madakpan gyud ang mga malapason sa balaod. Tuod, gitawgan ko ni Isko Ouano, hepe sa CITOM operations branch, ug gipahibalo nga sulod lang sa hamubo nga higayon, duha ka four-wheel vehicle ug 32 ka motor ang ilang na-impound.

Madugangan pa to. Maayo ra!

MISUMBONG
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with