Gustong magminyo pag-usab

Dear Atty. Divine,

Ang akong pag-umangkon naminyo og Amerikano lima ka tuig na ang nakalabay. Duna silay usa ka anak og anaa sa custody sa akong pag-umangkon ang bata after sila nagbuwag tulo ka tuig na ang nakalabay. Nakig-divorce kaniya ang iyang bana nga Amerkano og gani naminyo na kini og lain didto sa America. Karon ang akong pag-umangkon adunay boyfriend nga Pinoy og interesado nga mangasawa kaniya. Ang akong pangutana kon mamahimo ba ang akong pag-umangkon nga magpakasal og usab considering nga nag-divorce na man sila sa iyang American husband? Unsay angayan niyang buhaton aron mamahimong legal ang ilang kaminyuon? Daghang salamat. — Rosario

Dear Rosario,

Base sa Article 26 (2) sa atong Family Code kini nagkanayon nga kon ang usa ka Filipino maminyo og usa ka langyaw og human niini makakuha og  valid Divorce Decree ang langyaw sa iyang nasud then ang Filipino nga iyang kapikas mamahimo na usab nga makaminyo pag-usab apan kana kon  ma-recognized sa korte sa Pilipinas ang maong Divorce Decree. Buot ipasabot nga dili kini automatic  kay kinahanglan pa man nga ipa-recognized ang maong Divorce Decree sa atong korte aron kini ma-annotated sa ilang Marriage Certificate sa NSO human ma-recognized sa court.  Ang  maayong buhaton sa imong pag-umangkon mao ang pagkuha og certified true copy sa Divorce Decree ngadto sa korte sa America ug sa kopya sa balaod sa US nga nagtugot sa Divorce og human niini iya kining ipa-authenticate  sa Philippine Embassy sa US. Kon anaa na kaniya ang maong dokumento moadto siya og abogado aron i-file ang Petition for Recognition of Divorce Decree sa korte sa lugar diin marehistro ang ilang kaminyuon.  Kon ma-granted ang iyang Petition, mamahimo na siyang makaminyo pag-usab. Thanks and God bless. —Atty. Divine

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_ [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.