Remedyo sa hayblad ug kolesterol
Ang hayblad ug kolesterol, makaapektar sa panglawas nga mokomplikar og daghan nga balatian. Wala kini gipili, ma-bata o maedaran man gumikan sa gisagop nga istelo sa atong pagpakabuhi, ilabi na sa mga pagkaon, wala’y kontrol o pagpili kun unsay makapahimsog.
Sagad sa atong nabantayan sa mga naghambin niining sakita pulos nagmintin og tambal niini aron pagwagtang sa sintomas nga gipamati sa lawas.
Apan temporaryo ra kini kay inighupas sa epekto niini mobalik ra gihapon. Maoy pagaingnon ang sakit maoy atong gimintin dili ang pag-ayo niini.
Gawas sa tambal sa sakit ang pagmintin nga mawala ang hinungdan sa pagkasakit pinaagi sa pag-alibyo nga mokaon kanunay sa makapahimsog sa lawas.
Tun-an ang mga pagkaon nga dili kita matakboyan og sakit kay sagad nga hinungdan ngano nga kita masakit, gumikan ra sab sa naghinubra nga pagkaon.
Sa hayblad ngano mosaka ang presyur sa dugo, kay napikot na ang mga agianan niini nga nabara tungod sa kabaga sa kolesterol ug uban pa nga namilit sa arterya o kaugatan nga kun magkagrabe na ang pagsaka presyur, mosangpot kini sa pagbuto sa bloodclot nga kuyaw’ng makaparalisar o makamatay.
Busa kun nagbaton mo niining sakita sulayi kuno kining natural nga resipe sa pagkaon.
1 ka buok nga kinagod nga luy-a, 1 ka lusok sa ahos, 1 ka kutsara ACV (apple cider vinegar), 1 ka kutsara sa lemon juice ug 1 ka kutsarita sa honey. Kini basehan kun doblehon.
Ibutang sa blender unya paandaron sa hi-speed sulod sa 30 segundos. Salaa ang likido ug isulod sa refrigerator sulod sa 5 ka adlaw. Moinom niini og 1 ka kutsara sa di pa mamahaw ug sa di pa manihapon.
Buhata kini 2 ra ka beses kada adlaw, kay mao ra’y gikinahanglan.
Unya kanunay nga magpa blood pressure ug magpa-kolesterol test, aron imong ma-monitor.
- Latest