Umaabot sa presyo sa lana
- Leo Lastimosa (Banat) - February 1, 2016 - 9:00am

Daghang pasahero ug mga motorista ang magbagulbol karong adlawa tungod sa pagsaka sa presyo sa mga produkto sa lana. Nalangay nang pag-us-os sa plitehan sa mga sakyanang pamasahero ug presyo sa inadlaw’ng palaliton. Karon mahimong mas mangugat pang transport groups ug mga negosyante ginamit ang panghudlat nga mahimong nagsugod nang pagsaka pagbalik sa presyo sa lana.

Timan-i, kapin na sa 70% sa presyo sa lana ang napapas. Wa na gyud untay rason nga magpabiling taas ang plitehan ug presyo sa ubang palaliton. Apan tungod sa panagkonsabo sa talawan ug tapolang burukrasya ug kahakog sa mga negosyante, padayong naglaway ang mga pasahero ug konsumidor sa ilang bahin sa benepisyo sa baratong lana.

* * *

Nganong nisaka man ang presyo sa lana nga nagpabilin man unta nga sobra ang suplay ug ubos ang demanda? Angay’ng timan-an nga ang kausaban sa presyo sa lana di manukad sa aktuwal nga kahimtang sa kalibotanong merkado. Kun dili sa mga pangagpas unsay umaabot sa industriya.

Nisaka ang presyo sa lana tungod sa kasabutan sa Organization of Petroleum Exporting Countries (OPEC) ug sa Russia sa panginahanglan sa paglaslas sa ilang produksiyon aron di mopadayon pagtibugsok ang presyo. Ang kahigayonan nga magkauyon na gyong mga nasud nga tinubdan sa lana pagsulbad sa sobrang suplay igo nang nakapasaka sa matag litro nga presyo sa krudo (P1.05) ug sa gasolina (P0.45).

* *  *

Apan duna say mga sukaranan ang pagtuo nga kasamtangan lang ang pagsaka sa presyo. Mahimong motibugsok pagbalik ang presyo sa lana sa mosunod nga mga semana tungod sa mosunod:

Human libkasa ang ekonomikanhong silot sa United Nations, makabalik na og baligya ang Iran og lana ngadto sa ubang kanasuran;

Bisan sa kauyonan sa OPEC ug Russia, ang Estados Unidos ug ubang oil suppliers nga di sakop sa OPEC wa mopakita og timaan pag-iban sa ilang produksiyon; ug

Ang sobrang suplay sa kalibotanong merkado sa lana gibanabana nga mokabat na og tulo ka milyon ka baril.

* * *

Dugang mga timailhan nga gitumbok sa mga eksperto sa posible nga pagpadayon og us-os sa presyo sa lana hangtod sa pagtapos ning tuiga:

Nagkanihit nang mga tangke nga pundohanan sa lana sa Estados Unidos ug ubang kanasuran busa mahimong ipanghagad na lang ang sobrang suplay sa mas ubos nga presyo;

Ang nagkalig-on nga dolyar tungod sa pagbangon sa Amerikanhong ekonomiya makabaraw sa kalit ug dako nga pagsaka sa presyo sa lana; ug

Samtang nisaka og diyutay ang demanda sa lana tungod sa grabeng katugnaw nga nihakop sa China ug ubang kanasuran, mahibalik ang normal nga temperatura sa umaabot nga mga buwan, nga mahimong makapatidlom sa kalibotanon nga konsumo, nga makapabira paubos na sab pagbalik sa presyo sa lana. leo_lastimosa@abs-cbn.com

 

AMERIKANHONG ANG ANGAY APAN ESTADOS UNIDOS LANA MGA NGA ORGANIZATION OF PETROLEUM EXPORTING COUNTRIES PRESYO UNITED NATIONS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with