^

Banat Opinyon

Kinsay moatbang?

KUMBATI - Rico Lucena - Banat

Sa Pilipinas, wa’y gipiling panahon ang politika. Kapin tuig sa di’ pa ang presidential elections sa 2016, haum nga pangutana nga nagkinahanglan og tubag kun kinsa ang imong buot suportahan pagka-presidente.

Apan lahi sa mga miagi’ng piniliay nga adunay mga panga’n nga sayo’ng nanglutaw nga modagan pagka-presidente, karon wa’y laing panga’n nga nitumaw kundi si bise presidente Jejomar Binay.

Ang labing isog nga kandidato nga sayo pa lang nianunsyo na sa iyang kandidatura ug mao karon ang nabutang sa dako’ng kontrobersiya.  Natural lang nga motumaw ang mga baho ug uban pa’ng mga akusasyon tungod kay mao ni ang politika, di’ lang sa Pilipinas apan sa tanang demokratikanhong nasud.

Karon si Binay ang gisumsoman sa tanang isyu gikan sa senado hangtud na sa mga karenderiya ug mga tambayan. Kun tinuod ba ang mga pasangil batok ni Binay, kana ang pangutana nga kinahanglan nga pamatud-an.

Apan bisan sa kabug-at sa mga akusasyon, kampante si Binay nga mo-snob sa tanang higayon nga gihatag niya aron sa paglimpyo sa iyang panga’n ug pagpanalipod gikan sa mga akusasyon.

Nganong tubagon pa man ni Binay ang mga isyu nga wa’ man ni makaapekto sa iyang tinguha nga mokandidato?  Sa labing uwahing nga survey nga gipagawas, mas taas pa ang trust rating ni Binay nga karon gisamok sa isyu sa kurapsyon kun itandi sa presidente nga wa’ gyud igdungog nga nakasapi sa sayop nga paagi.

Kun ikaw si Binay ngano’ng imo pa mang tambongan ang imbistigasyon sa senado o sipoton ang imbitasyon nga debate nga ikaw ra ‘sab ang nagbukas og posibilidad?

Ngano’ng imo pa man nga hatagan og pagtagad ang mga butang nga wa’ makatarug sa imong tinguha nga mokandidato?  Ang labing dakong sayop sa mga Pinoy sa pagkakaron, di’ ang pagpabor lang gihapon ni Binay taliwa sa mga pasangil.

Ang labing dakong sayop sa mga Pinoy tungod kay wa’ pa gihapon siya’y laing kandidato nga natuboy nga maoy posible’ng motay-og sa tinguha ni Binay.

Kun adunay kandidato nga makahulga ni Binay kun ratings ang hisgotan, mao ni ang panahon aron wa’y laing himuon ang kampo ni Binay gawas sa pagpanagang, pagtubag ug paghatag og katin-awan sa mga akusasyon.

Hangtud nga adunay laing personalidad nga may kaisog nga moingon nga atbangan niya si Binay, puhonan ang iyang katakos, integridad ug limpyo nga tinguha, wala ‘tay Binay nga makit-an nga moatubang sa senado o mobutho sa debate.

Hangtud nga wa’y laing kandidato nga matuboy sa pagkakaron, padayon ang wa’y kahadlok ni Binay nga ibaliwa lang ang tanang akusasyon batok kaniya.

Email: [email protected] or [email protected]

 

APAN

BINAY

HANGTUD

JEJOMAR BINAY

KAPIN

KUN

PINOY

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with