Miyembro sa  dating site

Dear Tito Miguel,

Ako diay si  Ariel , taga Barangay  Calamba,Cebu City . Akong problema ron kay ang akong girlfriend nga si Maxine nga  mo-entertain og laing lalaki. Naay kausa ana , nabiyaan niya ang iyang laptop nga naka-on , samtang duna siya'y gipalit sa tindahan gawas sa among apartment. Nakit-an nako sa laptop nga duna siya'y account sa usa ka dating site . Nakugang ko sa akong nakita , busa ako siya gi-confront ,ug ang rason niya kay lingaw-lingaw ra daw ang iyang gibuhat. Angayan ba  nako dawaton ang iyang rason? O ako nalang gyud siya  buwagan?  Ariel

Ariel,

Dili, ayaw dawata ang iyang rason. Dili makatarunganon. Nagbaga nga pulang bandila. Biya na ora mismo. Kun siya naglingaw-lingaw ra, buot pasabot wala siya natagbaw ug nalingaw nimo. Para niya kalingawan ra sad ka, dili siya seryoso sa inyong relasyon. Cheater siya, ma s daghan na siya g nabuhat, wala lang nimo masakpi. Mora ra gud na g gilibak ka, mas grabe pa ang gisulti batok kanimo kaysa imong nahibaw-an.

Kun mangamuyo ug mopasalig nga dili na mousab, ayaw padala. Ang cheater nga masakpan igo ra na motago g maayo aron dili makalabuso. Apan ang binuhatan padayon gihapon. Lisod usbon kay natural ra niya ang magduwa-duwa, wala siya y nakitang dautan, busa wala siya y angay usbon.

Gani, ang tarong nga babaye wala y kalibotan sa mga dating site. Nganong suheto man siya. Buot pasabot anad na siya, dugay na niya ni nga gibuhat. Kursonada pa gyud, kasagaran babaye mahadlok man gani, laliman ka g makig-istorya sa estranghero. Kun imong pasayloon ug kamo magpadayon, wala na ka y kalinaw sa hunahuna, sige lang ka g duda. Dili man gani kinahanglan nga mogawas o molaag siya, naa ra sa iyang gadget ang pamaagi pangita g laing laki. Dili na ka mahimutang. Wala na kay pagsalig niya, kay di man sad gyud siya kasaligan. Wala nay kalinaw ug kalipay inyong relasyon, wala nay rason nga kini ipadayon. Tito Miguel

Magpatambag ka? Ipada kang Tito Miguel: 0991-318-9366