Love story

Dear Banat News,

Dugay na gyud ko nga suki nga reader sa Banat News. Malingaw gyud ko mobasa og LOVE STORY matag Martes.  Ako diay si Atan, 28 years old, taga  Barangay Labangon ug  nagtrabaho sa usa ka coffee shop.

 Usa ka tuig nako nga wala’y uyab. Nakaingon gyud ko nga gikarma nako maong ako na sad ang binuangan og babaye karon.

Sa tinuod lang, dali ra kay ko ma-attract og laing babaye bisan duna ko’y uyab. Mangabit ko, hangtud nga masakpan, maong buwagan dayon ko nila. Katapusan nako nga nauyab mao si  Annie, taga  Dipolog apan nagtrabaho dinhi sa Sugbo.

Nagkaila mi niya tungod ra pud sa akong barkada. Gipaila-ila, hangtud nag-date ug nakauyon sa usa’g-usa.

Ganahan kay ko ni Annie, kay gawas nga guwapa, bright pa gyud kaayo kay maka-relate sa bisan unsa nga topic kun magka-talk mi.

Kahibalo siya maghisgot about life maong nakaingon ko nga siya gyud ang akong ideal girl.

Dili binata ang treatment namo sa usa’g-usa.  Mura gyud mi og magtiayon ang among dating.  

Kun mag-away gani mi,  amo gyud nang seguradoon nga dili maabtan og ugma aron dili magkaproblema ang relasyon.

Sa dihang nitungtong na og lima ka bulan ang among relasyon,  wala gyud ko kasabot sa akong gibati ug nisuol na pud akong sakit nga ma-attract og laing babaye.

Love gyud nako si Annie, pero dali ra gyud ko maganahan og laing babaye ug  maglisod ko og control.

Dunay time nga  naila-ila nako ang bag-o nako nga silingan nga ginganlan og Cricsa, grabe gyud ka guwapa. Kun mo-smile  gani siya, mura gyud ko og malanay. Naningkamot gyud ko nga makuha nako ang iyang number. Sa dihang nakakuha nako sa iyang contact number pinaagi sa usa nako ka silingan, wala ko maglangan, ako siyang gitexan , hangtod nga magkasinabot mi nga mag-date.

Akong gisultian si Cricsa nga naa koy uyab, pero nakugang kay ko kay okay ra niya nga mag-date mi.

Sa dihang nanguyab ko niya, iyaha ra pud ko nga gisugot, basta ang among kasabotan dili gyud mi angayan masakpan sa akong uyab nga si Annie.

Pagkadugayan, naay common friend nako ang nakasulti kang Annie sa akong tinagoan. Ambot lang kung kinsa namo nga friend ang nisulti. Apan dili nako makalusot, kay sure gyud siya sa iyang source.

Bisan sakit kaayo, nakigbuwag gyud si Annie.  Nasakitan ko og maayo, sige ko og hilak. Ni-focus na lang ko ni Cricsa. Wala nako damha kay pag-abot og tulo ka bulan sa among relasyon, nasakpan nako si Cricsa nga dunay laing gikairing-iring. Ang iyang bag-ong lalaki ang iyang gipili ug iya ko nga gibuwagan. Nakaingon ko, gikarma na gyud ko sa akong binuhatan. Sa pagka-karon, nag-enjoy na lang ko sa akong pagka-single.  Mo-request na lang ko sa lyrics sa You Are The Reason by Calum Scott.

Hi Atan! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News