Love story
Dear Banat News,
Maayong adlaw sa tanang suki nga readers sa Banat News! Malingaw gyud ko mobasa sa LOVE STORY dinhi sa Banat News. Ako diay si RJ , 28 years old ug nag-work isip sales representative sa usa ka company.
Nakapadala na gyud ko sa akong love story dinhi sa Banat News, dugay na gyud ko nagplano niini.
Permi ko sungogon sa akong barkada nga blooming daw ko karong panahona gumikan kay in-love kaayo. Nagkabalik diay mi sa akong ex-girlfriend nga si Dina, 28, taga Cebu City pud ug nag-work siya sa usa ka coffee shop.
Nagkaila mi ni Dina kay kauban man mi sa trabaho sa una kadtong wala pa siya nibalhin sa coffee shop. Nagka-uyab mi niadtong February 15, 2018, apan nagkabuwag mi pag-abot sa July 2018 tungod sa among ka-busy.
Ambot lang uy niadtong higayona nga permi mi taas og mga pride ug amo gyud gibarogan ang among ka-busy ug kever mi nga naapektohan na diay ang among relasyon.
Apan pag-abot og January karong tuiga nahibalik na pud ang among love story. Ambot lang uy gimingaw bitaw ko niya. Bisan pa man sa iyang gisulti sa una nga dili nami mahimong magbalik, wala gyud ko nahadlok nga manguyab niya og balik. Ganahan ko makig-date niya permi.
Pag-una samokan gyud siya nako, apan pagkadugayan, akoa gyud siya nga nakumbinser nga mag-date mi. Permi mi mag-date sa mga kan-anan diha sa IT Park. Wala gyud ko mo-surrender hangtod nga nakuha gyud nako og balik ang iyang atensyon.
Ako siya nga giprangkahan nga nabanhaw ang akong feelings kaniya. Hinuon, pareho ming duha nga wala kauyab og lain sukad mi nagkabuwag. Lisod gyud ilisan si Dina, kay dili ko makalimot sa iyang pagka-masinabtanon ug sweet pa gyud kaayo. Nakita ni Dina nga sensiro kaayo ko sa pagpanguyab niya og balik busa na-develop ra pud siya og balik nako.
Lipay kay ko kay wala ko magdahom nga mabihag nako og balik ang iyang kasingkasing. Daghan daw ang nanguyab niya sa dihang nagkabuwag mi kaniadto apan wala niya sugta kay dili pa siya andam mosulod og balik sa usa ka relasyon, pero sa dihang niabot ko og balik, nausab ang iyang hunahuna.
Sa pagka-karon dili malikayan nga maglalis mi sa ginagmay nga mga butang. Duna usahay nga saputon ko kay mogawas ang iyang pagka-himarkada, pero ma-kontrol ra nako akong gibati kay dili ko gusto og gubot. Nakaingon ko nga kinahanglan pud nga hatagan nimo og time ang imong uyab nga makig-jam sa iyang barkada. Busy gihapon mi, apan nakat-on nami sa gitawag nga time management. Among gipaniguro nga dili maapektohan ang among relasyon sa among ka-busy. Mo-request lang ko sa chords and lyrics sa “Pasensya Ka Na” by Silent Sanctuary.
Hi RJ! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini: Love Story C/o Banat News
- Latest