Yukbo kang Senyor Santo Niño

Sugilanon - Fred Fuentes Monternel - Lorega Proper, Cebu City (Banat) - January 12, 2016 - 9:00am

Akong yukbo kanimo, Senyor Santo Niño! Salamat sa  imong pagtabang ug paggiya kanako...! nagkibutkibot ang baba ni Alex nga mihalok sa imahen ni Senyor Santo Niño atol sa kasaulogan karon sa iyang kapistahan.

Alas-3 pa sa kaadlawon nga naglinya si Alex uban sa daghang mga debotos ug karon nga alas-10 na sa buntag, nahiabot na gayud siya sa atubangan sa imahen sa Balaang Bata. Ning tuiga, nakasaad siya sa pagyukbo kang Senyor Santo Niño tungod sa  nakab-ot niyang kalampusan. Maoy hinungdan nga alas -10 pa sa gabii, nagkumyot siya'g bus-pasaheroan ug mibiya sa ilang baryo sa Caduawan sa lungsod sa Tabogon aron lang gayud makatuman sa iyang saaran kang Senyor Santo Niño.

Gradwado si Alex sa kursong Accountancy sa Cebu Roosevelt Memorial Colleges (CRMC) sa siyudad sa Bogo. Monas ginhawa siyang gipaeskuyla sa mag-uuma niyang mga ginikanan kay bugtong ra man siyang anak. Human siya makagradwar sa kolehiyo, wa siya mokuha'g review class tungod sa kakabos, isip pangandam unta sa pag-apil niya sa board examination sa pagka-CPA. Nag-review si Alex sa kinaugalingon ug nag-ampo siya kanunay kang Senyor Niño, nga tabangan siya makapasar sa giapilan niyang board examination. Ug tuod man, dihang migawas na ang resulta sa tanang nakapasar sa board examination para CPA, nagbansiwag ang ngalan ni Alex! Nahimo siyang topnotcher! Si Alex ang number one sa board examination nga mao ray bugtong  wa makakuha ug makaagi og review class. Nahimong usa ka malampusong Certified Public Accountant (CPA) si Alex nga gikalipay sa iyang mga ginikanan. Nakatrabaho dayon siya sa usa ka sangang banko sa gobyerno sa ilang siyudad sa Bogo.

Ug karon atol sa kapistahan ni Senyor Santo Niño ug sa gipahigayong Sinulog Festival, gituman ni Alex ang iyang saaran sa pagyukbo kang Senyor Santo Niño, agi'g dakong pasalamat sa nakab-ot niyang dakong kalampusan sa kinabuhi. "Senyor Santo Niño, salamat gayud sa pagtabang mo kanako! Tinuod gyud kang usa ka milagrusong Balaang Bata! Akong yukbo kanimo, atol sa imong  kapistahan...!" hunghong ni Alex nga wa makapugong sa pagsinulog sa kaugalingon atubangan karon sa imahen sa milagrusong Balaang Bata. (Kataposan)

AKONG ALEX ATILDE BALAANG BATA CEBU ROOSEVELT MEMORIAL COLLEGES CERTIFIED PUBLIC ACCOUNTANT NGA PLUSMN SENYOR SENYOR SANTO NI SIYA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with