PNP nagpahigayon og simultaneous showdown inspection

CEBU, Philippines — Gipahigayon kagahapon ang simultaneous showdown inspection sa PNP Disaster Response Equipment Capabilities.

Ang mga buhatan sa kapolisan sa siyudad ug probinsiya ingon man ang ubang unit sa Police Regional Office-7 nihimo sa maong kalihokan.

Tumong niini aron mahibaw-an ang kapabilidad ug kapasidad sa kapolisan sa pagresponde og mga katalagman.

Ilabi na nga adunay ubang mga lugar sa Pilipinas nga gikuso-kuso sa bagyong Aghon.

Sa Cebu City Police Office (CCPO) gipakita nila ang ilang mga nagkalain-laing ekipo apil ang mga personnel nga maoy moresponde kon kinahanglanon.

Matud ni Police Lieutenant Colonel Janette Rafter, deputy city director for administration sa CCPO nga aduna pay kuwang sa mga ekipo.

Apan matud usab ni Rafter nga sa panahon sa kalamidad dili kay ang kapolisan ra ang moresponde apil ang ubang ahensiya sa gobiyerno diin magtinabangay sila. — BDB BANAT NEWS