Garcia makigtagbo sa CPA nunot sa Port Expansion Project

CEBU, Philippines — Pakigtagbuan ni Cebu City acting mayor Raymond Alvin Garcia ang mga opisyal sa Cebu Port Authority CPA aron tukion ang kabahin sa ilang Port Expansion Project.

Gusto masayran ni Garcia, kun ang port expansion project nga gihimo sa CPA maka mugna ba og distractions kun pagkaguba sa heritage structures sa aduana area.

Dili buot sa acting mayor nga mahitabo ang susama sa nahitabo sa Cebu Bus Rapid Transit Project diin siya og ang Cebu Provincial Government nibabag sa pag construct sa bus station duol sa Capitol tungod kay nahisama kini og photobomber-like design.

Lakip sa susihon sa acting mayor ug sa mga sakop sa konseho sa dakbayan ang status na sa maong proyekto.

Nabalaka si Garcia nga susama sa bus station sa BRT atubangan sa Kapitolyo makaali unya ang proyekto sa view sa Malacañang sa Sugbo nga adunay historical value.

Si Garcia kinsa maoy Chairman sa City Historical Affairs Commission, ang makighinabi kang CPA General Manager Francisco "Kit" Comendador III aron masusi ang hisgutanan sa port project. — MEL BANAT NEWS