52 ka pamilya sa Central Visayas apektaho sa huwaw

CEBU, Philippines — Nikabat sa 52 mil ka pamilya sa Central Visayas ang apektado sa huwaw matud sa direktor sa Department of Social Welfare and Development (DSWD)-7 Shalaine Marie Lucero.

Matud ni Lucero nga kasagaran sa mga apektado sa huwaw mao ang mga mag-uuma, mananagat ug indigenous communities base sa taho sa mga Local Government Unit sa tibuok Rehiyon-7.

Nikabat ngadto sa P5 milyones ang nahatag nga emergency food packs sa DSWD-7 ubos sa pakig-alayon sa ubang line agencies ngadto sa mga apektado nga pamilya.

Ang DSWD-7 nakahatag og family food packs ngadto sa 23, 225 ka pamilya.

Gipasalig ni Lucero nga paspas ang ilang pagtubag og paghatag sa mga LGU nga modangop sa ilang buhatan alang sa Emergency Food Assistance ug ang food packs iapod-apod sulod sa pito ka adlaw. Giklaro sa DSWD-7 nga walay politiko nga malambigit sa pag-apod-apod sa ayuda sa family food packs ilabi na hands on ang maong buhatan sa mga proseso niini. BDB BANAT NEWS