Gwen giimbitar ngadto sa Russia

CEBU, Philippines — Pormal nga giimbitar sa gobiyerno sa Russia si Gobernador  Gwendolyn Garcia sa sunod bulan aron nga motambong sa economic forum ug i-renew ang sisterhood agreement tali sa Probinsiya sa Sugbo ug sa St. Petersburg.

Ang Russian government pinaagi sa Adviser to the President of the Russian Federation ug Executive Secretary sa Organizing Committee mipadala og sulat pag-imbitar sa gobernador alang sa 27th St. Petersburg International Economic Forum (SPIEF) nga gikatakda sa Hunyo 5-8.

“The forum will provide multiple opportunities to exchange views and deliberate pathways to achieve the key economic and political objectives set by Russia and the global markets, discuss the key issues of socioeconomic development, the environment, healthcare, industry, construction, transport, culture, tourism, education, and science,” pagbasa sa sulat.

Gawas sa forum, gikatakda pud nga i-renew sa Province of Cebu ug St. Petersburg ang sisterhood agreement niini sunod bulan human sa 15 ka tuig.  Si Garcia nakadawat og laing sulat alang niini gikan sa gobyerno sa St. Petersburg alang sa pagbisita gikan Hunyo  1 ngadto 9, 2024.

Niadtong 2009 sa dihang ang Probinsya sa Sugbo ubos sa unang tulo ka termino ni Garcia miestablisar og relasyon uban sa St. Petersburg.

Apan ang maong kasabotan mi-expire human sa lima ka tuig ug wala na sukad ma-renew. (BANAT NEWS)