P7.7 milyones ihatag sa Kapitolyo sa Lapyahan Festival sa San Remigio

CEBU, Philippines — Sama sa ubang festival, ang Lapyahan Festival sa lungsod sa San Remigio, amihanang Sugbo ang makadawat usab og tabang pinansyal gikan sa Kapitolyo.

Kini ang gisaad ni gobernadora Gwendolyn Garcia ngadto sa mga partisipante sa maong festival nga gipahigayon niadtong Mayo 16.

Sa maong kantidad, tag P250, 000 ang madawat sa pito ka mga contingents gikan sa mga clustered barangays. Samtang ang lokal nga kagamhanan sa San Remigio makadawat og P5 milyon aron nga makabawi sa nagasto niini sa maong kalihokan.

Laing P1 million usab ang gigahin alang sa tabang sa Kapitolyo sa maong lungsod sa pag-apil niini sa Suroy-Suroy Sugbo Northern Escapade niadtong Enero karong tuiga.

Si Garcia nga nitambong sa maong festival didto sa grandstand sa San Remigio midayeg sa nakitang performance sa mga contingents.

“This isn’t about dancing; this is about developing talent, ang paghatag og kahigayonan nga ang talent, ang creativity, the artistry nga anaa kanato, tagaan og kahigayonan nga kini mapakita, ma-improve, mosaka, ma-enhance” matud ni Garcia. — /MEL (BANAT NEWS)