P840 mil ang danyos sa sunog sa brgy Buhisan

CEBU, Philippines — Dul-an sa usa ka milyon ka pesos ang danyos sa sunog nga niulbo sa may sitio Poso, Barangay Buhisan ning Dakbayan sa Sugbo ala una kwarenta e nuybe sa hapon kagahapon adlaw nga Domingo. Ang nasunog giingong gipanag-iya ni Nathaniel Adolfo Cruz.

Giisa sa 1st alarm ang sunog alas dose uno sa udto ug nakontrolar alas dos otso ug hingpit nga napawong alas dos kinse sa hapon. Ang sunog nidanyos ngadto sa P840mil diin walay gikataho nga nakalas apan naangol ang usa ka 63anyos nga si Jerome Cruz, kinsa nakaangkon ug paso sa iyang wala nga bahin sa abaga. Gibana-bana oabot ngadto sa upat ka panimalay ang hingpit nga naugdaw ug lima ka pamilya ang apektado o 27 ka indibidwal.

Ang kabomberohan pinangulohan ni FO2 Marie Grace Ambayan, padayon pa nihimo og imbestigasyon kabahin sa hinungdan sa pag-ulbo sa kayo. — /MEL (BANAT NEWS)