Kapitolyo moabang og generator alang sa Isla sa Malapascua

CEBU, Philippines — Moabang ang lokal nga kagamhanan sa Probinsiya sa Sugbo og generator sets aron ma remedyohan ang problema sa kakulang sa suplay sa kuryente sa isla sa Malapascua sa lungsod sa Daanbantayan, amihanang Sugbo.

Si gobernador Gwendolyn Garcia nagkanayon nga midesisyon sila nga mohimo na og aksyon tungod sa nagkagrabe nga sitwasyon sa isla ug mibalibad usab ang National Power Corporation (NPC) sa hangyo sa gobernador nga magpadala og power barge sa Malapascua aron masolusyonan ang rotating brownout sa isla.

“.. our efforts have been met with constraints, as the deployment of generating sets by the National Power Corporation (NPC) is contingent upon PSPI relinquishing its contractual obligations and the Department of Energy (DOE) authorizing NPC to assume operations in Malapascua island” pagbasa sa sulat sa NPC ngadto sa gobernador.

Tungod niini si Garcia nagkanayon nga ang Kapitolyo morenta na lang og generators aron masuplayan ang demand sa kuryente sa Malapascua nga usa sa tourist destination sa Probinsya sa Sugbo.

“I have advised our legal to prepare an executive order, I shall invoke the general welfare clause for Republic Act 7160 given that the present situation in Malapascua is not only detrimental to the business, it has become a matter of lives, possibly getting lost. You know it`s much hotter there in Malapascua” matud ni Garcia

Pipila ka mga business operators ug tag-iya sa resort didto sa maong isla ang mipadayag na og kabalaka kalabot sa nasinating power interruption sukad niadtong Semana santa.

Ang suplay sa kuryente sa isla naapektohan human nga tulo sa upat ka generator set sa Power Source Philippines Inc (PSPI) mao ray nag-operate ang usa ang wala na.

Sa nasayran ang PSPI maoy nag-inusarang power distributor sa Malapascua island.

Ang Kapitolyo mikuha sa private firm nga Dynamic Power aron rentahan ang generator sets niini nga adunay kinatibuk-ang kapasidad nga two megawatts. “We are now looking at in the next 2-3 sending over a total capacity of 2 megawatts. When I asked for the peak power demand, PSPI said 1.3 megawatts but that is in the midst of a rotating brownout. So we cannot really ascertain if the peak of 1.3 mg is much lower than what is the actual demand” matud ni Garcia.

Ang PSPI makig-alayon sa legal department sa Kapitolyo alang sa himoong intervention sa Probinsya sa power supply sa Malapascua. Gikatakda usab nga mopasar og resolusyon ang provincial board sunod semana pagsuporta sa aksyon sa Kapitolyo. MEL BANAT NEWS