Upat ka kawani sa city hall hayan ma sweldohan na
CEBU, Philippines — Gi proseso na karon ang sweldo sa upat ka mga regular nga kawani sa Cebu City Hall human sila wala ma sweldohi sa napulo ka buwan.
Suma pa sa usa sa upat ka kawani nga si Sybil Ann Yba ez nga human ang napulo ka buwan nga paghuwat, nakadawat sila og impormasyon nga na pirmahan na ang ilang sweldo sulod sa upat ka buwan ug ang nipirma mao ang City Assessor nga si Dr. Maria Theresa Rosell.
Ang gi process karon is for January to April 2024 (4 months salaries) nga padung na sa City Budget Office, matud niya.
Ang nahibilin nga unom ka buwan nga sweldo gikan sa Hulyo hangtud sa Disyembre 2023, matod pa i charge Prior Year account nga moagi pa sa City Administrator's Office alang sa approval ug kinahanglan nga aduna sab resolution gikan sa konseho sa dakbayan.
Pero sagdi lang ang importante nasugdan na jud ug lihok unya mabyran namo ug sugod ang mga mandated salary deductions sama sa GSIS, Philhealth, PAG-IBIG ug apil pa sa CFI, matud pa ni Yba ez. Gikompirmar ni Cebu City Administrator Collin Rosell nga taas pa nga proseso ang agian sa nabilin nga unom ka buwan nga sweldo sa maong mga kawani.
Dugang niya, sa pagkakaron kinahanglan sab nga obserbaran ilang performance sa trabaho.
Niadtong Abril 16, 2024, upat ka mga empleyado sa Cebu City Hall nga adunay mga plantilla position ang nipadangat sa ilang mga reklamo kabahin sa wala pa mahatag nila nga sweldo bisan og gipaboran sila sa Civil Service Commission (CSC) sa Rehiyon 7.
Lakip kanila si Yba ez kinsa orihinal nga na isyuhan og item isip Local Assessor Operations Officer 3 ubos sa Cebu City Assessor, diin nagkanayon nga niadtong Hunyo 1, 2023 nakadawat sila sa ilang reassignment order.
Si Yba ez nadestino isip house parent sa Operation Second Chance sa Kalunasan. Ang iyang mga kauban sa samang buhatan nga sila si Maria Almicar Diongzon gibalhin sa South Road Properties (SRP), si Filomena Atuel, gibalhin sa Cebu City Anti-Mendicancy Office, samtang si Chito Dela Cerna gibalhin sa Cebu City Environment and Natural Resources (CCENRO). (BANAT NEWS)
- Latest
