Mga barangay sa Talisay gipaubos sa campsite management training
CEBU, Philippines — Lima ka barangay sa Dakbayan sa Talisay ang gipaubos na campsite management training.
Kini ang gibutyag ni Janice Sisa, training officer sa Talisay City Disaster Risk Reduction and Management Office.
Matud ni Sisa nga sa Dakbayan sa Talisay adunay coastal barangays, mountain barangays ug anaa sa sentro hinungdan nga magdepende sa mga panghitabo ang ilang gihatag nga training.
Apan ang pagtubag sa dagko nga panghitabo sama sa linog, bagyo, sunog ug uban pa ila na kining giapil sa pagtudlo ilabi na sa opisyales ug kawani sa barangay.
Si Sisa nagkanayon nga ilang giila ang hazard sa usa ka barangay ug hatagan dayon nila kini og sulosyon o tubag sa posible nga kinahanglan sa katawhan.
Dugang ni Sisa nga mas maayo kini aron dili na isalig ang tanan ngadto sa ilang buhatan tungod kay ang barangay mao man dayon ang dali nga makahatag og dinalian nga tabang ngadto sa ilang konstituwente.
Ilang gipaningkamotan nga malibot ang tanang 22 ka barangay sa Dakbayan sa Talisay. BDB BANAT NEWS
- Latest