French national ug asawa nga Pinay gituhuang naghikog
CEBU, Philippines — Gisubay na karon sa kapolisan sa Tagbilaran City Police Station nga posibleng naghikog ang 39 anyos nga French national ug ang 30 anyos nga Pinay nga nakit-ang patay sulod sa tent sa bakanteng dapit sa subdivision sa Bool District, Tagbilaran City, Probinsiya sa Bohol.
Sa nasayran dihang miresponde ang kapolisan sa nahitaboan duna sila y nakitang suicide notes ingon man chemical sa lugar.
Sigon sab ni Police Lieutenant Colonel Gerard Ace Pelare, tigpamaba ni Police Regional Office (PRO)-7 Regional Director Brigadier General Anthony Aberin nga nasuta sa Tagbilaran Police Station ang plano sa duha nga maghikog gikan sa higala niini nga unang nitahu sa kapolisan.
Still we are conducting investigation kung unsa pay makalap pa natonga ebidensiya nga mag support ani ug kung naa pa bay laing angle ani nga hitabo , ni Pelare pa.
Gawas niini, nakita sab sa resulta sa City Health Doctor nga ang hinungdan sa kamatayon sa duha kay asphyxia due to toxic fume inhalation.
Murag nag coincide siya didto sa recovery sa mga chemicals didto sa area unya gi consider sad nato tong mga suicide notes nga murag notes which appears to be suicide notes didto sa area unya kato pung ni report ang ilang friend nga naa sila y plans, so taking all the circumstances collectively the assessment of our investigator is that this is a case of suicide , sigon ni Lt. Col. Pelare.
Gihimug-atan hinoon ni Lt. Col. Pelare nga mas palawman pa nila ang ilang imbestigasyon kalabot sa hitabo. (BANAT NEWS)
- Latest
