Kapin 4,000 ka indibidwal nakapahimulos sa libreng TDC sa LTO-7
CEBU, Philippines — Gitahu sa Land Transportation Office-7 (LTO) nga mokabat na sa kapin 4,000 ka indibidwal ang nakadawat og certificates of completion gikan sa ilang buhatan nga nakapahimulos sa libreng Theoretical Driving Courses (TDCs) sa unang tulo ka buwan ning tuiga.
Ang LTO 7 nakatala og kinatibuk-an nga 4,766 ka indibidwal nga nakahuman sa free TDC sa tibuok rehiyon sa Central Visayas.
Our partnership with the different local government units and the private sector continues as we give them free TDCs for their residents," suma pa ni LTO-7 Regional Director Glen G. Galario sa iyang statement.
Suma pa ni Galario nga kadtong mga LGUs nga nagplano sa pag avail sa libreng TDC mahimong makig-alayon sa bisan asa nga buhatan sa LTO sa rehiyon alang sa ilang skedyul sa pag apil sa programa.
“We are happy with the outcome of our first quarter for 2024 and looking forward to more graduates in the next few months especially that the thrust of our LTO Chief Atty. Vigor Mendoza III is to intensify our ePatrol Mobile Service which features our free TDC program," segun ni Galario.
Sa unang quarter ning tuiga ang mga LGUs dinhi sa Sugbo nga nakapahimulos sa libreng serbisyo mao ang Barangay Sohoton sa Badian, Barangay Dumlog sa Talisay City, Municipalities sa Bantayan, Dumanjug, Aloguinsan, San Fernando, Liloan, ug Boljoon, ingon man siyudad sa Bogo. (BANAT NEWS)
- Latest
