76 barangay sa rehiyon napuno sa drug cleared areas
CEBU, Philippines — Gideklarar sa Regional Oversight Committee on Barangay Drug Clearing (ROCBDC) nga drug cleared ang 76 ka mga barangay ug 1 ka Munisipalidad sa Central Visayas atol sa duha ka adlaw nga blended face-to-face-and-online deliberation nga gihimo sa Abril 11 ug 12, 2024.
Sa 76 ka mga barangay 36 niini gikan sa Cebu Province, 30 sa Negros Oriental, upat sa Bohol, lima sa Mandaue City ug usa sa Cebu City ug ang tanan nadeklarar nga drug cleared.
Ang Lungsod sa Tudela nga girepresentar ni Mayor Greman Solante nahatagan sab sa status nga drug-cleared municipality diin mao na kini ang ika-siyam sa rehiyon.
Si Director Emerson Margate, Regional Director sa Philippine Drug Enforcement Agency (PDEA) ug Chairman sa ROCBDC-7 maoy ni-preside sa deliberasyon.
Ang ubang committee members sa kalihukan mao si Celerino Magto Jr., sa Department of Interior and Local Government (DILG)-7, Police Liuetenant Colonel Franco Rudolf Oriel ug Police Major Rey Delos Santos sa Police Regional Office(PRO)-7 ug Dr. Jonathan Neil Erasmo sa Department of Health (DOH)-7.
Naa sab sila si Director III Atty. George Paul Alcovindas, Assistant Regional Director sa PDEA_7 ug Supervior sa Regional BDCP Team.
Ang mga representante sa mga Local Government Unit nitambong online.
Ang pagdeklarar sa Local Government Units nga drug-cleared kabahin sa Barangat Drug Clearing Program subay na a DDB Regulation No. 4, Series of 2021. IBM BANAT NEWS
- Latest
