CCPO nipahigayon og rescue operations sa libud-suroy
CEBU, Philippines — Nihimo og rescue operations ang Cebu City Police Office sa mga libud-suroy sa Siyudad sa Sugbo ug gitugyan sa mga barangay diin sila nagpuyo.
Kini aron dili na masubli ang nahitabo nga nag-viral sa social media ang mga batan-on diha sulod sa public utility jeep (PUJ) nga naghingos og rugby.
Niadtong Miyerkules sa gabii adunay mga rescue operation nga gihimo sa mga barangay nga ubos sa Police Station 2 pinangulohan ni Major Mark Don Alfred Leanza.
Ang kapolisan nakig-alayon kini sa Cebu City Social Welfare and Development.
Matud ni Police Lieutenant Colonel Janette Rafter, deputy city director for operations sa Cebu City Police Office nga aduna sila y coordination meeting tali sa DSWS ug management sa community scout.
Before sa rescue yesterday naa pod sila y na-rescue isa which was turnover sa barangay Procedure man gud na namo nga i-turnover namo sa barangay then the barangay will turnover it to the DSWS then sa community scout , butyag ni Rafter.
Giangkon sa kapolisan nga alarming nga dunay mga batan-on nga sa linghod nga pangedaron nagbisyo na hinungdan nga usa sa programa sa kagamhanan sa Siyudad sa Sugbo nga i-rescue sila.
Apan nanghinaot ang kapolisan nga ang mga ginikanan sa mga bata nga ma-rescue magpakabana usab sa pag-atiman sa ilang mga anak ilabi na nga kasagaran kanila adunay pamilya. (BANAT NEWS)
- Latest
