Hunta probinsiyal mirekomendar pagpahunong sa CBRT
CEBU, Philippines — Mirekomendar ang Sangguniang Panlalawigan sa Sugbo sa pagpahunong sa trabaho sa Cebu Bus Rapid Transit (CBRT) sa may dalan Osmeña boulevard.
Kini gumikan kay matud pa ang bus station sa proyekto nakababag sa hulagway sa Cebu Capitol Building nga gideklarar nga historical landmark ug sa kapakyas sa kontraktor nga mokonsulta sa National Commission for Culture and the Arts (NCCA).
Atol sa regular session sa hunta probinsyal kagahapon Marso 4, 2024, duha ka mga bokal ang niduso og resolusyon sa susamang katuyoan.
Si bokal John Ismael Borgonia sa tersero distrito nagkanayon nga walay istraktura ang moguba sa "visual space" ug hulagway sa Cebu Capitol building, Osmeña boulevard lakip na sa Fuente Osmeña Circle.
"the design and height of the CBRT Bus Stations are inappropriate to the historicity of the grand boulevard and the two heritage structures. When completed, they will also stand as sore thumbs disrespectfully blocking the view or vista of the significant heritage zone created in 1930's" tipik sa resolusyon ni Borgonia.
Atol sa session sa provincial board si bokal Glenn Anthony Soco sa sixto distrito nagkanayon usab nga sa pagkakaron makita sa publiko nga wala magdugang o magpalapad og dalan aron magamit sa mga tawo.
"What we can see on our own eyes we are not adding more roads we are simply subtracting road spaces give the nature of the transport system where there is a dedicated lane for buses" matud ni Soco.
Si bokal Celestino "Tining" Martinez midapit sa Department of Transportation (DOTr) aron motubag sa isyu karon sa CBRT.
Ang maong mga resolusyon giuyonan sa mga membro sa provincial board.
Si gobernador Gwendolyn Garcia una nang miluwat og memorandum ngadto sa kontraktor sa BRT, ang Hunan Road and Bridge Construction Group Ltd., tungod sa isyu sa pagkapakyas niini nga makakuha og pagtugot sa NCCA ug sa posibleng pagbabag sa proyekto sa hulagway sa Cebu Capitol building. (BANAT NEWS)
- Latest
