Notadong “pusher” nakuhaag P7 milyong shabu

CEBU, Philippines — Nadakpan sa mga operatiba sa Panglao Police Station sa Bohol Police Provincial Office (BPPO) ang usa ka High Value Individual sa ilang buy-bust operation sa Purok 5, Barangay Libaong, Panglao, Probinsiya sa Bohol kagahapon sa alas 1 sa kaadlawon.

Ang suspetsadonga si alyas JR, 41, residente sa Barangay Sagnap, Lungsod sa Loay sa naasoy nga probinsiya. Nakuhaan ang dinakpan og 1,050 gramo sa gituohang shabu nga mobalor og P7.1 million.

Ang mga drugas nga nakuha gikan sa dinakpan kay gisulod sa transparent nga plastic cellophane, nasakmit sab ang cellphone, kwarta ug uban pang drug paraphernalia.

Matud  ni Police Captain John Khalev Diel Sanchez, Officer-in-Charge sa Panglao Police Station nga giingong bodegero sa ilegal nga drugas ang dinakpan ug naa sa prisuhan ang agalon niini nga maoy nagpadagan sa operasyon. – IBM BANAT NEWS